ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи андозаҳои акцизи молҳои алоҳидаи дар Ҷумҳурии Тоҷикистон истеҳсолшаванда

Мутобиқи Қонуни Ҷумҳурии Тоҷикистон "Дар бораи акцизҳо" Ҳукумати Ҷумҳурии Тоҷикистон қарор мекунад:

1. Аз 1 марти соли 1997 андозаҳои акцизи молҳои алоҳидаи дар Ҷумҳурии Тоҷикистон истеҳсолшаванда мувофиқи замима муқаррар карда шавад.

2. Қарорҳои зерин беэътибор дониста шаванд:

қарори Девони Вазирони Ҷумҳурии Тоҷикистон аз 8 январи соли 1992 № 7 "Дар бораи ставкаи акцизҳо";

банди 5 қарори Девони Вазирони Ҷумҳурии Тоҷикистон аз 1 маи соли 1992 № 142 "Дар бораи нарху акцизҳои намудҳои алоҳидаи молу маҳсулот";

қарори Девони Вазирони Ҷумҳурии Тоҷикистон аз 22 маи соли 1992 № 173 "Дар бораи қисман тағъир додани ставкаи акцизи спирти нӯшокӣ";

қарори Девони Вазирони Ҷумҳурии Тоҷикистон аз 17 июли соли 1992 № 266 "Дар бораи баъзе чораҳои мӯътадилгардонии вазъи молиявии заводи алюминии Тоҷикистон";

қарори Девони Вазирони Ҷумҳурии Тоҷикистон аз 26 ноябри соли 1992 № 415 "Дар бораи нархи озод /бозорӣ/ ва ставкаи акцизи арақ";

қарори Шӯрои Вазирони Ҷумҳурии Тоҷикистон аз 5 марти соли 1993 № 111 "Дар бораи аз андози акциз озод кардани корхонаи муштараки "Интерфёр"-и Тоҷикистону Америка";

қарори Шӯрои Вазирони Ҷумҳурии Тоҷикистон аз 10 июни соли 1993 № 257 "Дар бораи қисман тағйир додани банди 5 қарори Девони Вазирони Ҷумҳурии Тоҷикистон аз 1 маи соли 1992 № 142 "Дар бораи нарху акцизҳои намудҳои алоҳидаи молу маҳсулот";

қарори Шӯрои Вазирони Ҷумҳурии Тоҷикистон аз 21 январи соли 1994 № 12 "Дар бораи ставкаи акцизҳо барои коньяк ва шомпон";

қарори Шӯрои Вазирони Ҷумҳурии Тоҷикистон аз 15 августи соли 1994 № 391 "Дар бораи илова ба замимаи қарори Девони Вазирони Ҷумҳурии Тоҷикистон аз 8 январи соли 1992 № 7";

бандҳои 1 ва 2 қарори Шӯрои Вазирони Ҷумҳурии Тоҷикистон аз 23 ноябри соли 1994 № 531 "Дар бораи ставкаҳои андози акциз ва тарифи гумрукии шароб ва маводи шаробпазие, ки аз рӯи созишномаҳои байниҳукуматӣ содир мешаванд".