ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи Тартиби пӯшонидани хароҷот барои истифодаи ройгон аз хизматрасонии нақлиётӣ

Мутобиқи қисми якуми моддаи 25 Қонуни конститутсионии Ҷумҳурии Тоҷикистон "Дар бораи вазъи ҳуқуқии узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон", қисми даҳуми моддаи 56 Қонуни конститутсионии Ҷумҳурии Тоҷикистон "Дар бораи мақомоти прокуратураи Ҷумҳурии Тоҷикистон", қисми 1 моддаи 496 Кодекси гумруки Ҷумҳурии Тоҷикистон, моддаи 24 Қонуни Ҷумҳурии Тоҷикистон "Дар бораи вазъи ҳуқуқии вакили Маҷлиси вакилони халқи Вилояти Мухтори Кӯҳистони Бадахшон, вилоят, шаҳри Душанбе, шаҳр ва ноҳия", қисми чоруми моддаи 45 Қонуни Ҷумҳурии Тоҷикистон "Дар бораи ветеранҳо", қисми 6 моддаи 28 Қонуни Ҷумҳурии Тоҷикистон "Дар бораи Агентии назорати давлатии молиявӣ ва мубориза бо коррупсияи Ҷумҳурии Тоҷикистон", қисми чоруми моддаи 24 Қонуни Ҷумҳурии Тоҷикистон "Дар бораи мақомоти амнияти миллии Ҷумҳурии Тоҷикистон", банди 25 қисми якуми моддаи 11 Қонуни Ҷумҳурии Тоҷикистон "Дар бораи милитсия", қисми якуми моддаи 39 Қонуни Ҷумҳурии Тоҷикистон "Дар бораи қӯшунҳои дохилии Вазорати корҳои дохилии Ҷумҳурии Тоҷикистон", сархати шашуми қисми якуми моддаи 8 Қонуни Ҷумҳурии Тоҷикистон "Дар бораи ҳифзи иҷтимоии шаҳрвандоне, ки бар асари фалокати нерӯгоҳи барқи атомии Чернобил зарар дидаанд", қисми 9 моддаи 18 Қонуни Ҷумҳурии Тоҷикистон "Дар бораи вазъи ҳуқуқии хизматчиёни ҳарбӣ", қисми 6 моддаи 33 Қонуни Ҷумҳурии Тоҷикистон "Дар бораи мукофотҳои давлатии Ҷумҳурии Тоҷикистон", қисми 4 моддаи моддаи 30 Қонуни Ҷумҳурии Тоҷикистон "Дар бораи ҳифзи иҷтимоии маъюбон", қисми 3 моддаи 42 Қонуни Ҷумҳурии Тоҷикистон "Дар бораи ҳифзи ҳуқуқҳои кӯдак", сархати панҷуми моддаи 10 Қонуни Ҷумҳурии Тоҷикистон "Дар бораи фаъолияти волонтёрӣ" Ҳукумати Ҷумҳурии Тоҷикистон қарор мекунад:

Тартиби пӯшонидани хароҷот барои истифодаи ройгон аз хизматрасонии нақлиётӣ тасдиқ карда шавад (замима мегардад).