Ҳукумати Ҷумҳурии Тоҷикистон

ҚАРОР

Дар бораи таъсиси Шӯрои нозирон оид ба масъалаҳои минтақаҳои озоди иқтисодӣ дар Ҷумҳурии Тоҷикистон

Мутобиқи банди 2 моддаи 17 Қонуни Ҷумҳурии Тоҷикистон "Дар бораи минтақаҳои озоди иқтисодӣ" ва инчунин бо мақсади таъмини идоракунии (назорати) умумии фаъолияти минтақаҳои озоди иқтисодӣ Ҳукумати Ҷумҳурии Тоҷикистон қарор мекунад:

1) Шӯрои нозирон оид ба масъалаҳои минтақаҳои озоди иқтисодӣ дар Ҷумҳурии Тоҷикистон таъсис дода шавад.

2) Ҳайати Шӯрои нозирон ва Низомнома дар бораи Шӯрои нозирон оид ба масъалаҳои минтақаҳои озоди иқтисодӣ дар Ҷумҳурии Тоҷикистон тасдиқ карда шавад (Замимаҳои 1 ва 2).

3) Вазорати рушди иқтисод ва савдои Ҷумҳурии Тоҷикистон якҷоя бо вазорату идораҳои дахлдори ҷумҳурӣ ҷиҳати таъмини иҷрои қарори мазкур чораҳои зарурӣ андешад.

Ҳайати Шӯрои нозирон оид ба масъалаҳои минтақаҳои озоди иқтисодӣ дар Ҷумҳурии Тоҷикистон

Раиси Шӯрои нозирон  - Муовини якуми Сарвазири Ҷумҳурии Тоҷикистон (Қарори Ҳукумати Ҷумҳурии Тоҷикистон  аз 02.11.2012 № 636)

Муовини раиси Шӯрои нозирон  - Вазири рушди иқтисод ва савдои Ҷумҳурии Тоҷикистон (Қарори Ҳукумати ҶТ аз 02.11.2012 № 636)

Котиби масъули Шӯрои нозирон  - Муовини Вазири рушди иқтисод ва савдои Ҷумҳурии Тоҷикистон (қарори Ҳукумати ҶТ аз 13.03.2015 № 151)  

Аъзои Шӯро:

- Муовини вазири адлияи Ҷумҳурии Тоҷикистон;

- Муовини вазири молияи Ҷумҳурии Тоҷикистон;

- Муовини вазири корҳои хориҷии Ҷумҳурии Тоҷикистон;

- Муовини вазири корҳои дохилии Ҷумҳурии Тоҷикистон;

- хориҷ карда шуд (қарори Ҳукумати ҶТ аз 13.03.2015 № 151);

- Муовини раиси Кумитаи давлатии амнияти миллии Ҷумҳурии Тоҷикистон;

- Муовини раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон;

- Муовини раиси Кумитаи андози назди Ҳукумати Ҷумҳурии Тоҷикистон;

- Муовини сардори Хадамоти гумруки назди Ҳукумати Ҷумҳурии Тоҷикистон

- Муовини раиси Вилояти Мухтори Кӯҳистони Бадахшон

- Муовини раиси вилояти Суғд

- Муовини раиси вилояти Хатлон

- Роҳбари маъмурияти минтақаи озоди иқтисодии "Суғд"

- Роҳбари маъмурияти минтақаи озоди иқтисодии "Панҷ"

- Роҳбари маъмурияти минтақаи озоди иқтисодии "Данғара"

- Роҳбари маъмурияти минтақаи озоди иқтисодии "Ишкошим"

- Муовини Вазири саноат ва технологияҳои нави Ҷумҳурии Тоҷикистон (қарори Ҳукумати ҶТ аз 13.03.2015 № 151);

- Муовини Вазири меҳнат, муҳоҷират ва шуғли аҳолии Ҷумҳурии Тоҷикистон (қарори Ҳукумати ҶТ аз 13.03.2015 № 151);

- Муовини Раиси Ширкати саҳомии холдингии кушодаи "Барқи Тоҷик" (қарори Ҳукумати ҶТ аз 13.03.2015 № 151);

- Роҳбари котиботи Шӯрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ (қарори Ҳукумати ҶТ аз 13.03.2015 № 151);

- Директори Муассисаи давлатии "Маркази татбиқи лоиҳаҳои шарикии давлат ва бахши хусусӣ"-и Кумитаи давлатии сармоягузорӣ ва идораи амволи давлатӣ (қарори Ҳукумати ҶТ аз 13.03.2015 № 151).