Дар бораи Қоидаҳои хизматрасониҳои иловагии ҳуқуқии музднок ба шахсони воқеӣ ва ҳуқуқӣ дар идораҳои нотариалии давлатии Ҷумҳурии Тоҷикистон
Мутобиқи моддаҳои 22 ва 23 Қонуни Ҷумҳурии Тоҷикистон "Дар бораи нотариати давлатӣ" ва моддаи 51 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:
1. Қоидаҳои хизматрасониҳои иловагии ҳукуқии музднок ба шахсони воқеӣ ва ҳуқуқӣ дар идораҳои нотариалии давлатии Ҷумҳурии Тоҷикистон тасдиқ карда шавад (замима мегарданд).
2. Қарори Ҳукумати Ҷумҳурии Тоҷикистон аз 2 июли соли 2005, № 218 "Дар бораи хизматрасонии иловагии ҳуқуқии музднок дар идораҳои нотариалии давлатии Ҷумҳурии Тоҷикистон" аз эътибор соқит дониста шавад.
3. Вазорати адлияи Ҷумҳурии Тоҷикистон санадҳои дохилиидоравии худро ба қарори мазкур мутобиқ намояд.
Раиси
Ҳукумати Ҷумҳурии Тоҷикистон Эмомалӣ Раҳмон
аз 10 январи соли 2013, № 14
ш. Душанбе
