ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Оид ба тасдиқи Низомномаи намунавӣ дар бораи хадамоти кадрии мақомоти давлатии Ҷумҳурии Тоҷикистон

Мутобиқи моддаи 8 Қонуни Ҷумҳурии Тоҷикистон "Дар боран хизмати давлатӣ" фармон медиҳам:

1) Низомномаи намунавӣ дар бораи хадамоти кадрии мақомоти давлатии Ҷумҳурии Тоҷикистон тасдиқ карда шавад (замима мегардад).

2) Роҳбарони мақомоти марказӣ ва маҳаллии ҳокимияти давлатӣ, мақомоти худидоракунии шаҳрак ва деҳот низомномаи хадамоти кадрии мақомоти давлатиро дар асоси Низомномаи мазкур таҳия ва тасдиқ намоянд.

3) Фармони Президенти Ҷумҳурии Тоҷикистон аз 10 марти соли 2003 №1031 "Дар бораи тасдиқи Низомномаи хадамоти кадрӣ" аз эътибор соқит дониста шавад.

Президенти

Ҷумҳурии Тоҷикистон Эмомалӣ Раҳмон

ш.Душанбе,

 12 июли соли 2010 № 901