ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи тасдиқи Низомномаи тартиби ҳисоб кардани собиқаи хизмати давлатӣ

Бо мақсади муайян намудан ва ба танзим даровардани давраҳои фаъолияти меҳнатие, ки ҳамчун собиқаи хизмати давлатӣ ҳисоб карда мешаванд ва мутобиқи моддаи 37 Қонуни Ҷумҳурии Тоҷикистон "Дар бораи хизмати давлатӣ" фармон медиҳам:

1. Низомномаи замимагардидаи тартиби ҳисоб кардани собиқаи хизмати давлатӣ тасдиқ карда шавад.

2. Иловапулии хизматчиёни давлатӣ барои собиқаи кор, ки то мавриди амал қарор гирифтани ин Низомнома таъин карда шудааст, нигоҳ дошта шуда, минбаъд ҳисоб кардани собиқаи хизмати давлатӣ аз рӯи Низомномаи мазкур анҷом дода шавад.