ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи тасдиқи Конвенсияи байни Ҷумҳурии Тоҷикистон ва Руминия оид ба канорагирӣ аз андозбандии дукарата ва пешгирӣ намудани саркашӣ аз супоридани андозҳо аз даромад ва сармоя

Маҷлиси намояндагони Маҷлиси Олии Чумҳурии Тоҷикистон қарор мекунад:

1. Конвенсияи байни Ҷумҳурии Тоҷикистон ва Руминия оид ба канорагирӣ аз андозбандии дукарата ва пешгирӣ намудани саркашӣ аз супоридани андозҳо аз даромад ва сармоя, ки 6 декабри соли 2007 дар шаҳри Душанбе ба имзо расидааст, тасдиқ карда шавад.

2. Ҳукумати Ҷумҳурии Тоҷикистон бо тартиби муқарраргардида ҷониби Руминияро дар бораи аз ҷониби Ҷумҳурии Тоҷикистон иҷро гардидани расмиёти дохилидавлатие, ки барои эътибор пайдо кардани Конвенсияи мазкур заруранд, огоҳ намояд.

Раиси

Маҷлиси намояндагони Маҷлиси Олии

Ҷумҳурии Тоҷикистон                               С. Хайруллоев

ш. Душанбе 27 феврали соли 2008 № 911

Конвенсияи байни Ҷумҳурии Тоҷикистон ва Руминия оид ба канорагирӣ аз андозбандии дукарата ва пешгирӣ намудани саркашӣ аз супоридани андозҳо аз даромад ва сармоя

Ҷумҳурии Тоҷикистон ва Руминия бо мақсади бартараф кардани андозбандии дукарата ва пешгирӣ намудани саркашӣ аз супоридани андозҳо аз даромад ва сармоя тасмим гирифтанд, ки ин Конвенсияро банданд ва ба мувофиқаи зерин расиданд:

Моддаи 1 Шахсоне, ки нисбати онҳо ин Конвенсия истифода бурда мешавад

Конвенсияи мазкур дар мавриди он шахсоне истифода бурда мешавад, ки онҳо дар як ё ҳарду Давлати Аҳдкунанда резидент мебошанд.