Тартиби аз ҳисоб баровардан ва решакан кардани боғҳои модарӣ ва маводди киштшаванда дар ҳолатҳои таъсири офатҳои табиӣ

1. МУҚАРРАРОТИ УМУМӢ

1. Тартиби аз ҳисоб баровардан ва решакан кардани боғҳои модарӣ ва маводди киштшаванда дар ҳолатҳои таъсири офатҳои табиӣ (минбаъд - Тартиб) қоидаҳои аз ҳисоб баровардан ва решакан намудани боғҳои модарӣ ва маводди киштшавандаро муайян менамояд.

2. Боғҳои модарӣ ва маводди киштшаванда дар асоси меъёрҳои истифодабарии самараноки онҳо бо мақсади барқарор кардани ҳосилхезӣ ва хосиятҳои дигари фоиданоки онҳо аз ҳисоб бароварда ва решакан карда мешаванд.

2. ТАРТИБИ МУАЙЯН НАМУДАНИ ҲОЛАТҲОИ ТАЪСИРИ ОФАТҲОИ ТАБИӢ БАРОИ АЗ ҲИСОБ БАРОВАРДАН ВА РЕШАКАН КАРДАНИ БОҒҲОИ МОДАРӢ ВА МАВОДДИ КИШТШАВАНДА

3. Муҳлатҳои кутоҳтарини истифодабарии боғҳои модарӣ ва маводди киштшаванда (минбаъд - боғ ва ниҳол) вобаста ба намуд ва мутобиқати навъҳои пайвандшуда дар асоси нишондодҳои агротехникӣ ва санадҳои меъёрии техникӣ муқаррар карда мешаванд.

4. Ҳолатҳои таъсири офатҳои табиӣ, ки боиси таъсири нобудшавии боғ ва ниҳол мегарданд ва зарурати аз ҳисоб баровардан ва решакан кардани боғ ва ниҳолро ба миён меоранд:

- сармо ва ё гармии шадид;

- касалиҳои эпидемӣ;

- зарари ҳашарот;

- омадани сел, жола, фаромадани тарма, ярч, кӯҳпора;