Ҳукумати Ҷумҳурии Тоҷикистон

ҚАРОР

Дар хусуси лоиҳаи Протокол дар бораи ворид намудани тағйиру иловаҳо ба Созишнома байни Ҳукумати Ҷумҳурии Тоҷикистон ва Ҳукумати Федератсияи Россия оид ба ҷалби муташаккилонаи шаҳрвандони Ҷумҳурии Тоҷикистон барои амалӣ намудани фаъолияти меҳнатии муваққатӣ дар ҳудуди Федератсияи Россия аз 17 апрели соли 2019

Мутобиқи моддаи 7 Қонуни Ҷумҳурии Тоҷикистон "Дар бораи шартномаҳои байналмилалии Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Лоиҳаи Протокол дар бораи ворид намудани тағйиру иловаҳо ба Созишнома байни Ҳукумати Ҷумҳурии Тоҷикистон ва Ҳукумати Федератсияи Россия оид ба ҷалби муташаккилонаи шаҳрвандони Ҷумҳурии Тоҷикистон барои амалӣ намудани фаъолияти меҳнатии муваққатӣ дар ҳудуди Федератсияи Россия аз 17 апрели соли 2019 маъқул дониста шавад.

2. Вазири меҳнат, муҳоҷират ва шуғли аҳолии Ҷумҳурии Тоҷикистон Протоколи мазкурро аз номи Ҳукумати Ҷумҳурии Тоҷикистон ба имзо расонад ва ҳангоми зарурат ба матни он тағйиру иловаҳои хусусияти муҳимнадоштаро ворид намояд.

3. Вазорати корҳои хориҷии Ҷумҳурии Тоҷикистон бо тартиби муқарраргардида бо ҷониби Россия сана ва маҳалли ба имзо расонидани Протоколи мазкурро мувофиқа намояд.

ПРОТОКОЛ дар бораи ворид намудани тағйиру иловаҳо ба Созишнома байни Ҳукумати Ҷумҳурии Тоҷикистон ва Ҳукумати Федератсияи Россия оид ба ҷалби муташаккилонаи шаҳрвандони Ҷумҳурии Тоҷикистон барои амалӣ намудани фаъолияти меҳнатии муваққатӣ дар ҳудуди Федератсняи Россия аз 17 апрели соли 2019

Ҳукумати Ҷумҳурии Тоҷикистон ва Ҳукумати Федератсияи Россия, ки минбаъд Тарафҳо номида мешаванд,

моддаи 14 Созишнома байни Ҳукумати Ҷумҳурии Тоҷикистон ва Ҳукумати Федератсияи Россия оид ба ҷалби муташаккилонаи шаҳрвандони Ҷумҳурии Тоҷикистон барои амалӣ намудани фаъолияти меҳнатии муваққатӣ дар ҳудуди Федератсияи Россия аз 17 апрели соли 2019 (минбаъд - Созишнома)-ро ба роҳбарӣ гирифта,

бо мақсади баланд бардоштани самаранокии татбиқи Созишнома, инчунин ҳавасмандӣ ба истифодаи муҳоҷирати муташаккилонаи меҳнатӣ,

ба мувофиқаи зайл расиданд:

Моддаи 1

Ба Созишнома тағйиру иловаҳои зерин ворид карда шаванд:

1) дар дебоча пас аз сархати 6 сархат бо мазмуни зайл илова карда шавад:

"бо нияти фароҳам овардани ҳавасмандгардонии самарабахши рушди шаклҳои муташаккили муҳоҷирати меҳнатӣ барои таъмини муҳоҷирони меҳнатӣ - шаҳрвандони Ҷумҳурии Тоҷикистон бо меҳнати шоиста, қонунӣ ва бехатар, инчунин барои қонеъ гардонидани талаботи бозори меҳнати Федератсияи Россия ба қувваи кории баландихтисос,";

2) дар моддаи 2 сархат бо мазмуни зайл илова карда шавад:

"муассисаи ваколатдори Федератсияи Россия" - муассисаи тобеи яке аз мақомоти салоҳиятдори муқаррарнамудаи Ҳукумати Федератсияи Россия, дар ташкили чорабиниҳо оид ба хизматрасониҳои зарурӣ барои гирифтани иҷозат дар ҳудуди Ҷумҳурии Тоҷикистон мусоидат менамояд;";

3) дар моддаи 2:

сархати шашум дар таҳрири зерин ифода карда шавад:

"системаи иттилоотию таҳлилӣ" - Платформаи ягонаи рақамӣ дар соҳаи шуғл ва муносибатҳои меҳнатии "Кор дар Россия", ки дорои маълумот дар бораи корфармоёни Россия, ки ба кормандон ниёз доранд, мавҷудияти ҷойҳои кории холӣ ва вазифаҳои холӣ, хусусиятҳои кор, музди меҳнат, реҷаи корӣ, талаботи тахассусӣ, талаботи таҳсилот, донишҳои касбӣ, малака, таҷрибаи корӣ, додани кафолатҳои иловагии иҷтимоӣ аз ҷониби корфармо ба коргари хориҷӣ мебошад;";

дар сархати 13 пас аз калимаҳои "оид ба имконияти бокортаъминшавӣ дар Федератсияи Россия," калимаҳои "омода намудани кадрҳои баландихтисос," илова карда шаванд,";

4) дар моддаи 3 пас аз сархати ҳафтум сархати нав бо ифодаи зерин илова карда шавад:

"Вазорати маорифи Федератсияи Россия;";

5) дар моддаи 4:

пас аз сархати шашум сархати нав бо мазмуни зерин илова карда шавад:

"Вазорати маорифи Федератсияи Россия барои тайёр кардани муҳоҷирони меҳнатӣ аз рӯйи барномаҳои таълимии таҳсилоти миёнаи касбии Россия ва барномаҳои таълимии асосии таҳсилоти касбӣ дар Федератсияи Россия ва дар Ҷумҳурии Тоҷикистон мусоидат менамояд;";

пас аз сархати нави нуҳум сархати нав бо мазмуни зерин илова карда шавад:

"гирифтани маълумоти дактилоскопӣ ва аксбардории шаҳрвандони Ҷумҳурии Тоҷикистонро дар ҳудуди Ҷумҳурии Тоҷикистон тибқи қонунгузории Федератсияи Россия дар заминаи муассисаи ваколатдори Федератсияи Россия бо дарназардошти талабот оид ба ҳифз ва интиқоли фаромарзии маълумоти шахсии дар қонунгузории Ҷумҳурии Тоҷикистон пешбинишуда аз рӯйи имкониятҳои техникӣ тавассути қувваҳои ваколатдори Вазорати корҳои дохилии Федератсияи Россия ва корхонаи воҳиди давлатии федералии тобеи он таъмин менамояд";

сархатҳои нави бистум ва бисту якум дар таҳрири зерин ифода карда шаванд:

"ташкили омӯзиши номзадҳо барои бокортаъминшавӣ, аз ҷумла забони русӣ мутобиқи маводи таълимию методӣ, ки аз ҷониби ташкилотҳои ваколатдори Вазорати илм ва таҳсилоти олии Федератсияи Россия барои гузаронидани имтиҳони забони русӣ ҳамчун забони хориҷӣ, таърихи Россия ва асосҳои қонунгузории Федератсияи Россия пешниҳод карда мешаванд;

мусоидат намудан ба номзадҳо барои бокортаъминшавӣ ҷиҳати баргузории имтиҳони забони русӣ ҳамчун забони хориҷӣ, таърихи Россия ва асосҳои қонунгузории Федератсияи Россия;";

сархати нави бисту панҷум дар таҳрири зерин ифода карда шавад:

"мутобиқи моддаи 5 Созишномаи мазкур ба ҳудуди Ҷумҳурии Тоҷикистон баргардонидани шаҳрвандони Ҷумҳурии Тоҷикистон дар сурати нагузаштан аз муоинаи тиббӣ барои мавҷудияти маводи мухаддир ё моддаҳои психотропӣ ва ё моддаҳои нави эҳтимолан хавфноки психоактивӣ ва метаболитҳои онҳо дар бадани номзадҳо барои бокортаъминшавӣ, мавҷуд будан ё набудани бемориҳои сироятии барои атрофиён хатарнок ва бемориҳои вируси норасоии масунияти одам (ВНМО) дар шаҳрванди хориҷӣ ё шахси бешаҳрванд;";

сархати нави бисту ҳафтум ба сархатҳои бисту ҳафтум - бисту нуҳум иваз карда шуда, онҳо дар таҳрири зайл ифода карда шаванд:

"Вазорати тандурустӣ ва ҳифзи иҷтимоии аҳолии Ҷумҳурии Тоҷикистон:

назоратро дар ҳудуди Ҷумҳурии Тоҷикистон оид ба вазъи саломатии номзадҳо барои бокортаъминшавӣ бо мақсади истисно намудани ҳолатҳои бемориҳое, ки барои гирифтани иҷозат монеъ мешаванд, амалӣ менамояд;

барои гузаронидани муоинаи тиббӣ аз рӯйи меъёрҳои Федератсияи Россия дар ҳудуди Ҷумҳурии Тоҷикистон мусоидат менамояд;";

сархатҳои нави сиюм - сию дуюм дар таҳрири зерин ифода карда шаванд:

"Вазорати корҳои дохилии Ҷумҳурии Тоҷикистон:

дар ҷустуҷӯйи байналмилалӣ ё байнидавлатӣ қарор доштани номзадҳо барои бокортаъминшавӣ, инчунин сабабҳои дигаре, ки ба рафтани онҳо монеъ мешаванд, тафтиш менамояд;

тафтишро оид ба доштани ё тозанашудаи доғи судии номзадҳо барои бокортаъминшавиро барои содир кардани ҷиноят дар ҳудуди Ҷумҳурии Тоҷикистон, ки тибқи қонунгузории Федератсияи Россия эътироф шудааст, тафтиш менамояд;",

6) моддаи 5 дар таҳрири зерин ифода карда шавад:

"Моддаи 5

Муоинаи тиббии номзадҳо барои бокортаъминшавӣ дар муассисаҳои тиббӣ, ки дар ҳудуди Федератсияи Россия ва Ҷумҳурии Тоҷикистон ҷойгир шудаанд, тибқи тартиби муқаррарнамудаи созишномаи алоҳидаи байни Тарафҳо амалӣ карда мешавад";

7) Дар сархати дуюми моддаи 12 пас аз калимаҳои "риоя нагардидани қонунгузории меҳнат" калимаҳои "ва муҳоҷирати" илова карда шавад, инчунин баъд аз калимаҳои "дар Хадамоти федералӣ оид ба меҳнат ва шуғл," калимаҳои "ва Вазорати корҳои дохилии Федератсияи Россия" илова карда шавад.

Моддаи 2

Протоколи мазкур аз санаи тавассути роҳҳои дипломатӣ гирифтани огоҳиномаи охирин дар бораи аз ҷониби Тарафҳо иҷро гардидани расмиёти дохилидавлатӣ, ки барои эътибор пайдо кардани он зарур аст, эътибор пайдо мекунад.

Дар ш._____________" "______________соли 20 дар ду нусхаи асл, ҳар кадом бо забонҳои тоҷикӣ ва русӣ ба имзо расонида шуд, зимнан ҳарду матн эътибори якхела дорад.