ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйироту илова ба қарори Ҳукумати Ҷумҳурии Тоҷикистон аз 10 январи соли 2013, №14

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба Қоидаҳои хизматрасониҳои иловагии ҳуқуқии музднок ба шахсони воқеӣ ва ҳуқуқӣ дар идораҳои нотариалии давлатии Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 10 январи соли 2013, № 14 "Дар бораи Қоидаҳои хизматрасониҳои иловагии ҳуқуқии музднок ба шахсони воқеӣ ва ҳуқуқӣ дар идораҳои нотариалии давлатии Ҷумҳурии Тоҷикистон" тасдиқ шудааст, тағйироти зерин ворид карда шавад:

- дар банди 3 калимаҳои "китоби сабти хизматрасонии иловагии ҳуқуқии музднок" ба калимаҳои "феҳристи сабти амалиёти нотариалӣ" иваз карда шаванд;

- банди 4 дар таҳрири зерин ифода карда шавад:

"4. Пардохти маблағҳои хизматрасонӣ аз ҷониби шахсони воқеӣ ва ҳуқуқӣ тавассути бонкҳо (филиалҳои онҳо) сурат мегирад. Қабули маблағҳои мазкур аз ҷониби бонкҳо (филиалҳои онҳо) дар ҳамаи ҳолатҳо бо роҳи додани ҳуҷҷати тасдиқкунандаи пардохт (дар шакли коғазӣ ё электронӣ), ки дар он намуди хизматрасонӣ нишон дода мешавад, амалӣ мегардад.";

- дар банди 5 калимаҳои "тариқи нақдӣ" ба калимаҳои "дар шакли нақдӣ ва ғайринақдӣ" иваз карда шаванд;

- аз банди 7 калимаҳои ", раёсатҳои адлияи Вилояти Мухтори Кӯҳистони Бадахшон, вилоятҳои Хатлон ва Суғд" хориҷ шуда, калимаи "медиҳанд" ба калимаи "медиҳад" иваз карда шавад;

- дар банди 8 калимаҳои "базаи" ва "муассисаҳои" мувофиқан ба калимаҳои "заминаи" ва "мақомоти" иваз карда шаванд;

- бандҳои 10 ва 12 дар таҳрири зерин ифода карда шавад:

"10. Барои дурустии ҳисобот аз рӯйи хизматрасонӣ сарнотариуси давлатӣ, нотариусони калони давлатӣ ва нотариусони давлатии дахлдор масъул буда, ба Вазорати адлияи Ҷумҳурии Тоҷикистон ҳисобот медиҳанд.

12. Шахсони воқеӣ ва ҳуқуқӣ, ки мутобиқи қисми 3 моддаи 5 Қонуни Ҷумҳурии Тоҷикистон "Дар бораи боҷи давлатӣ" аз пардохти боҷи давлатӣ озод карда шудаанд, аз пардохти хизматрасонии иловагии ҳуқуқии музднок озод мебошанд, инчунин гирандагони кумакҳои унвонии иҷтимоӣ нисфи маблағи муқарраргардидаи хизматрасонии иловагии ҳуқуқии музднокро месупоранд.".

2. Ба замимаи Қоидаҳои хизматрасониҳои иловагии ҳуқуқии музднок ба шахсони воқеӣ ва ҳуқуқӣ дар идораҳои нотариалии давлатии Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 10 январи соли 2013, №14 тасдиқ шудааст, тағйироту иловаи зерин ворид карда шаванд:

- дар сатри 1 калимаҳои "ва васиятномаҳо" ба калимаҳои ", васиятномаҳо, уҳдадориҳо, розигиҳо" иваз карда шаванд;

- дар сатрҳои 2, 5, 8 ва 11 калимаҳои "аз соҳибӣ соқит намудани" ва "аз соҳибӣ соқит кардани" ба калимаи "бегонакунии" иваз карда шаванд;

- дар сатри 7 баъд аз калимаи "васиятномаҳо" калимаҳои ", уҳдадориҳо, розигиҳо" илова карда шаванд;

- дар сатри 9 калимаи "ташхис" ба калимаи "экспертиза" иваз карда шавад.