Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру илова ба қарори Ҳукумати Ҷумҳурии Тоҷикистон аз 2 ноябри соли 2007, № 546

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба замимаи 5 "Меъёрҳои хироҷ барои ҳаракати воситаҳо аз нақлиёти автомобилии хориҷӣ дар ҳудуди Ҷумҳурии Тоҷикистон", ки бо қарори Ҳукумати Ҷумҳурии Тоҷикистон аз 2 ноябри соли 2007, № 546 "Дар бораи тасдиқ намудани меъёрҳои хироҷҳо барои анҷом додани амалҳои аз ҷиҳати ҳуқуқӣ муҳим ва пардохтҳо барои додани иҷозат оид ба истифодаи захираҳои табиӣ ё дигар захираҳои мавҷуда" тасдиқ шудааст, тағйиру иловаи зерин ворид карда шаванд:

- дар сатри 1.2 пас аз калимаҳои "воситаҳои нақлиёти автомобилии хориҷӣ" калимаҳо ва аломатҳои "(ба истиснои воситаҳои нақлиёти автомобилии Ҷумҳурии ӯзбекистон)" илова карда шаванд;

- банди 4 эзоҳ дар таҳрири зерин ифода карда шавад:

"4. Аз воситаҳои нақлиёти автомобилии сабукрав ва автобусҳои Ҷумҳурии ӯзбекистон барои ворид шудан ва гузариши транзитӣ аз ҳудуди Ҷумҳурии Тоҷикистон хироҷ ситонида намешавад.".

Раиси

Ҳукумати Ҷумҳурии Тоҷикистон   Эмомалӣ Раҳмон