ҲУКУМАТИ ҶУМҲУРИИ ТОҶИКИСТОН

ҚАРОР

Мутобиқи моддаи 56 Қонуни Ҷумҳурии Тоҷикистон «Дар бораи санадҳои меъёрии ҳуқуқӣ» Ҳукумати Ҷумҳурии Тоҷикистон қарор мекунад:

Ба қарори Ҳукумати Ҷумҳурии Тоҷикистон аз 31 декабри соли 2008, № 671 «Дар бораи таъсиси Муассисаи давлатии «Маркази барномаҳои байналмилалӣ» тағйиру иловаҳои зерин ворид карда шаванд:

-дар банди 1 рақами «11» ба рақами «30» иваз карда шуда, калимаҳои «, дар доираи воҳидҳои кории амалкунанда ва маблағҳои пешбинишудаи муассисаҳои зеротобеи Вазорати маорифи Ҷумҳурии Тоҷикистон» хориҷ карда шаванд;

-дар банди 2 калимаи «маорифи» ба калимаҳои «маориф ва илми» иваз карда шавад;

-бандҳои 3(1) ва 3(2) бо мазмуни зерин илова карда шаванд:

«3(1). Вазорати молияи Ҷумҳурии Тоҷикистон маблағгузории Муассисаи давлатии «Маркази барномаҳои байналмилалӣ»-ро дар доираи маблағҳои буҷети ҷумҳуриявӣ таъмин намояд.

3(2). Вазорати маориф ва илми Ҷумҳурии Тоҷикистон ва Кумитаи давлатии сармоягузорӣ ва идораи амволи давлатии Ҷумҳурии Тоҷикистон ҷиҳати бо бино таъмин намудани Муассисаи давлатии «Маркази барномаҳои байналмилалӣ» чораҳои зарурӣ андешанд.».