ҚОНУНИ ҶУМҲУРИИ ТОҶИКИСТОН

ДАР БОРАИ ВОРИД НАМУДАНИ ТАҒЙИРУ ИЛОВАҲО БА КОДЕКСИ МУРОФИАВИИ ҶИНОЯТИИ ҶУМҲУРИИ ТОҶИКИСТОН

Моддаи 1. Ба Кодекси мурофиавии ҷиноятии Ҷумҳурии Тоҷикистон, ки бо Қонуни Ҷумҳурии Тоҷикистон аз 3 декабри соли 2009 қабул шудааст (Ахбори Маҷлиси Олии Ҷумҳурии Тоҷикистон, с.2009, №12, мод. 816; с.2010, №7, мод. 551), тағйиру иловаҳои зерин ворид карда шаванд:

1. Ба сархати дувоздаҳуми қисми 1 моддаи 35 пас аз калимаи "алоқа" калимаҳои "ва ё хабарҳои телеграфӣ ва хабарҳои дигаре, ки тавассути шабакаҳои алоқаи барқӣ ва алоқаи почта интиқол мешаванд" илова карда шаванд.

2. Дар моддаи 37 калимаҳои "тафтишоти фаврӣ" ба калимаҳои "оперативӣ-тафтишотӣ" иваз карда шаванд.

3. Дар қисми 1 моддаи 39:

- дар сархати ҳаштум калимаҳои "оперативӣ-ҷустуҷӯии мақомоти таҳқиқ" ба калимаҳои "оперативӣ-ҷустуҷӯие" иваз карда шаванд;

- дар сархати нӯҳум калимаҳои "амалҳои фаврӣ ва тафтишӣ" ба калимаҳои "чорабиниҳои оперативӣ-ҷустуҷӯӣ ва пешбурди амалҳои тафтишӣ" иваз карда шаванд.

4. Дар моддаи 41:

- дар сархати сеюми қисми 1 калимаҳои "амалҳои фаврии тафтишӣ ё таҳқиқиро" ба калимаҳои "чорабиниҳои оперативӣ- ҷустуҷӯӣ ва амалҳои тафтиширо" иваз карда шаванд;

- дар сархати якуми қисми 4 калимаҳои "чораҳои оперативӣ ҷустуҷӯӣ андешад" ба калимаҳои "чорабиниҳои оперативӣ-ҷустуҷӯӣ гузаронад" иваз карда шаванд.

5. Дар сархати чоруми қисми 2 моддаи 60 калимаи "амалҳои" ба калимаи "чорабиниҳои" иваз карда шавад.

6. Дар моддаи 84:

- номи модда дар таҳрири зерин ифода карда шавад:

"Моддаи 84. Истифодаи натиҷаҳои фаъолияти оперативӣ-ҷустуҷӯӣ";

- дар матни модда калимаҳои "Маводи дар ҷараёни амали оперативӣ-ҷустуҷӯӣ" ба калимаҳои "Натиҷаҳои фаъолияти оперативӣҷустуҷӯии" иваз карда шаванд.

7. Дар сархати сеюми қисми 2 моддаи 86 калимаҳои "мақомоте, ки фаъолияти оперативӣ-ҷустуҷӯиро анҷом додаанд" ба калимаҳои "мақомоти амаликунандаи фаъолияти оперативӣ-ҷустуҷӯӣ" иваз карда шаванд.

8. Дар қисми 4 моддаи 153 калимаҳои "оперативӣ-ҷустуҷӯиро фақат" ба калимаҳои "чорабиниҳои оперативӣ-ҷустуҷӯӣ" ва калимаи "чораҳои" ба калимаи "чорабиниҳои" иваз карда шаванд.

9. Дар қисми 4 моддаи 162 калимаҳои "пешбурди кофтуков ва оперативӣ-ҷустуҷӯиро" ба калимаҳои "гузаронидани чорабиниҳои оперативӣ-ҷустуҷӯиро" иваз карда шаванд.

10. Дар қисми 1 моддаи 168:

- дар сархати дуюм калимаҳои "амалӣ гардонидани чораҳои" ба калимаҳои "гузаронидани чорабиниҳои" иваз карда шаванд;

- дар сархати понздаҳум калимаҳои "андешидани чораҳои" ба калимаҳои "гузаронидани чорабиниҳои" иваз карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Оид ба қабул намудани Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси мурофиавии ҷиноятии Ҷумҳурии Тоҷикистон"

Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси мурофиавии ҷиноятии Ҷумҳурии Тоҷикистон" қабул карда шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Оид ба Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси мурофиавии ҷиноятии Ҷумҳурии Тоҷикистон"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистонро "Дар бораи ворид намудани тағйиру иловаҳо ба Кодекси мурофиавии ҷиноятии Ҷумҳурии Тоҷикистон" баррасӣ намуда, қарор мекунад:

Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси мурофиавии ҷиноятии Ҷумҳурии Тоҷикистон" ҷонибдорӣ карда шавад.