Низомнома дар бораи рамзи мақомоти андоз

1. Рамзи мақомоти андоз нишони расмӣ буда, тааллуқ доштани онро ба Кумитаи андози назди Ҳукумати Ҷумҳурии Тоҷикистон нишон медиҳад (қарори Ҳукумати ҶТ аз 22.09.2022 № 459).

2) Тартиби истифодабарии рамзи мақомоти андоз аз тарафи Раиси Кумитаи андози назди Ҳукумати Ҷумҳурии Тоҷикистон тасдиқ карда мешавад (қарори Ҳукумати ҶТ аз 22.09.2022 № 459).

3) Рамзи мақомоти андоз тибқи тартиби тасдиқгардида дар воситаҳои нақлиёти хизматӣ, либоси хизматӣ, ашёи номӣ, нишони хизматию сарисинагӣ, таҷҳизоти хизматӣ, ҳуҷҷатгузории хизматӣ, мӯҳрҳо, инчунин дар биною иншооти Кумитаи андози назди Ҳукумати Ҷумҳурии Тоҷикистон ва мақомоти ҳудудии андоз ҷойгир ва насб карда мешавад (қарори Ҳукумати ҶТ аз 22.09.2022 № 459).

Тавсифи рамзи мақомоти андоз

1) Рамзи мақомоти андоз сипари тасвирёфтаи рангаш зард буда, дохили он аз се ранг (сурх, сафед ва сабз) иборат аст. Дар қисми болоии сипар Нишони давлатии Ҷумҳурии Тоҷикистон гузошта шудааст (қарори Ҳукумати ҶТ аз 22.09.2022 № 459).

2) Дар маркази сипар тангаи рангаш нуқрагини бо тоҷ ва ҳафт ситораи аз ду тараф бо тири ишоратии зарринранги ба ҳам муқобил иҳотагардида тасвир ёфтааст.

3) Баландии рамзи мақомоти андоз ба андозаи 1,2-и паҳнии он баробар аст (қарори Ҳукумати ҶТ аз 22.09.2022 № 459).