ҚОНУНИ ҶУМҲУРИИ ТОҶИКИСТОН

Дар бораи ворид намудани тағйиру иловаҳо ба Кодекси ҷиноятии Ҷумҳурии Тоҷикистон

Моддаи 1. Ба Кодекси ҷиноятии Ҷумҳурии Тоҷикистон, ки бо Қонуни Ҷумҳурии Тоҷикистон аз 21 майи соли 1998 қабул гардидааст (Ахбори Маҷлиси Олии Ҷумҳурии Тоҷикистон, с. 1998, №9, мод. 68, 69; №22, мод.306; с. 1999, №12, мод. 316; с. 2001, №4, мод.149, 167; с. 2002, №11, мод.675, 750; с. 2003, №8, мод.456, 468; с. 2004, №5, мод.346, №7, мод.452, 453; с. 2005, №3, мод.126, №7, мод.399, №12, мод.640; с. 2007, №7, мод.665; с. 2008, №4, қ. 1, мод.З; №6, мод.444, 447; №10, мод. 803; №12, қ. 1, мод.986, №12, қ. 2, мод.992; с. 2009, №3, мод. 80; №7-8, мод.501; с.2010, №3, мод.155), тағйиру иловаҳои зерин ворид карда шаванд:

1. Дар моддаи 49:

- дар қисми 2 калимаҳои "то ду ҳазор" ба калимаҳои "то ду ҳазору яксаду навад" иваз карда шаванд;

- ба қисми 2 сархати нав бо мазмуни зайл илова карда шавад:

"Андозаи ҷарима аз рӯи маҷмӯи ҷиноятҳо ё маҷмӯи ҳукмҳо барои содир намудани ҷиноятҳои дар қисмҳои 6 ва (ё) 7 моддаи 49 ҳамин Кодекс пешбинигардида аз панҷ ҳазор нишондиҳанда барои ҳисобҳо, ки дар вақти содир кардани ҷиноят амал мекард, зиёд буда наметавонад.";

- ба модда қисмҳои 6, 7, 8, 9 ва 10 дорои мазмуни зайл илова карда шаванд:

"6) Дар ҳолати аз тарафи шахс содир намудани ҷиноятҳои дар моддаҳои 245 (ба истиснои банди "а" қисми 4), 246 (ба истиснои банди "а" қисми 3), 247 (ба истиснои банди "в" қисми 3 ва банди "а" қисми

4), 251, 253, 255 (ба истиснои бандҳои "а" ва "б" қисми 2), 256 (ба истиснои ҳолатҳое, ки боиси марг ё расонидани зарари вазнин ба саломатии инсон гардида бошад), 257 (ба истиснои банди "г" қисми 2 ва банди "б" қисми 3), 258, 259, 259(1), 260, 263, 264, 265, 266, 268, 270, 271, 273 (ба истиснои бандҳои "а" ва "б" қисми 3), 274, 276, 277, 278, 285, 286, 287, 289 қисми 1, 291, 292, 293, 295, 340(1) ва 388 қисмҳои 1 ва 2 Кодекси мазкур пешбинишуда, агар гунаҳгор то баровардани ҳукми суд зарари моддиро пурра талофӣ намояд, нисбати ӯ ҷазои ҷарима ва ё дигар ҷазои бо маҳрум сохтан аз озодӣ алоқаманднабудаи дар санксияҳои моддаҳои номбаршуда пешбинигардида таъин карда мешавад.

7) Дар ҳолати аз тарафи шахс содир намудани ҷиноятҳои дар моддаҳои 314 (ба истиснои ҳолатҳое, ки боиси марг ё расонидани зарари вазнин ба саломатии инсон гардида бошанд), 315, 316 (ба истиснои бандҳои "а" ва "б" қисми 3 ва ҳолатҳое, ки боиси марг ё расонидани зарари вазнин ба саломатии инсон гардида бошанд), 318, 322 (ба истиснои ҳолатҳое, ки боиси марг ё расонидани зарари вазнин ба саломатии инсон гардида бошанд), 323 ва 391 қисми 1 ҳамин Кодекс пешбинигардида, агар онҳо дар алоқамандӣ бо ҷиноятҳои пешбининамудаи қисми 6 моддаи мазкур содир шуда бошанд, ҷазо бо тартиби муайяннамудаи қисми 6 ҳамин модда таъин карда мешавад.

8) Дар мавриди пас аз баровардани ҳукми суд пурра талофӣ намудани зарари моддӣ аз тарафи маҳкумшуда барои содир намудани ҷиноятҳои пешбининамудаи қисмҳои 6 ва (ё) 7 моддаи мазкур ҷазои таъингардидаи маҳрум сохтан аз озодӣ аз ҷониби суде, ки ҳукм баровардааст ё суди маҳалли иҷрои ҷазо ё суди болоӣ ба ҷазои ҷарима иваз карда мешавад.

9) Дар ҳолати ашаддӣ саркашӣ намудан ва ё имконнопазирии пардохти ҷарима, ки бо тартиби пешбининамудаи қисмҳои 6, 7 ва (ё) 8 моддаи мазкур ба сифати ҷазои асосӣ таъин ё иваз карда шудааст, суд ҷазои ҷаримаро (ё қисми напардохтаи онро) ба ҷазои маҳрум сохтан аз озодӣ иваз менамояд. Ҳангоми иваз намудани ҷазои ҷарима ба ҷазои маҳрум сохтан аз озодӣ ё ҷазои маҳрум сохтан аз озодӣ ба ҷазои ҷарима, мӯҳлат ва андозаи ин намуди ҷазоҳо набояд аз ҳадди поёнӣ ва болоии муқаррарнамудаи моддаҳои дахлдори қисми махсуси ҳамин Кодекс бо назардошти қисми адокардаи ҷазо кам ва ё зиёд бошанд.

10) Дар ҳолати иваз намудани ҷазои маҳрум сохтан аз озодӣ ба ҷазои ҷарима ва ё ҷазои ҷарима ба ҷазои маҳрум сохтан аз озодӣ як шабонарӯзи маҳрум сохтан аз озодӣ ба 50 фоизи як нишондиҳанда барои ҳисобҳо баробар аст.".

2. Дар моддаи 58:

- ба қисми 2 ҷумлаи дуюми дорои мазмуни зайл илова карда шавад:

"Ҳангоми то баровардани ҳукми суд пурра талофӣ намудани зарари моддӣ аз ҷониби гунаҳгор барои содир намудани ҷиноятҳои дар қисмҳои 6 ва (ё) 7 моддаи 49 ҳамин Кодекс пешбинигардида нисбати ӯ ҷазои маҳрум сохтан аз озодӣ таъин карда намешавад.";

- қисми 3 дар таҳрири зайл баён карда шавад:

"3) Дар сурати иваз кардани ҷазоҳои ҷарима, корҳои ислоҳӣ ё маҳдуд кардани озодӣ ба ҷазои маҳрум сохтан аз озодӣ он метавонад мутобиқан бо назардошти андоза ва мӯҳлати адонагардидаи ин намуди ҷазоҳо ба мӯҳлати камтар аз шаш моҳ таъин гардад.".

3. Ба моддаи 66 қисми 4 бо мазмуни зайл илова карда шавад:

"4) Муқаррароти моддаи мазкур барои содир намудани ҷиноятҳое, ки дар қисмҳои 6 ва (ё) 7 моддаи 49 ҳамин Кодекс пешбинӣ шудаанд, татбиқ карда намешаванд.".

4. Ба қисми 3 моддаи 67 ҷумлаҳои сеюм ва чоруми дорои мазмуни зайл илова карда шаванд:

"Ҷазои ниҳоии ҷарима аз рӯи маҷмӯи ҷиноятҳои дар қисмҳои 6 ва (ё) 7 моддаи 49 Кодекси мазкур пешбинишуда набояд аз панҷ ҳазор нишондиҳанда барои ҳисобҳо зиёд бошад. Агар яке аз ҷиноятҳои дар маҷмӯъ содиршуда ҷинояти дигар бошад, ҷазои ниҳоӣ аз рӯи қоидаҳои умумӣ муайян карда мешавад.".

5. Ба қисми 2 моддаи 68 ҷумлаҳои дуюм ва сеюми дорои мазмуни зайл илова карда шаванд:

"Ҷазои ниҳоии ҷарима аз рӯи маҷмӯи ҳукмҳо барои ҷиноятҳои дар қисмҳои 6 ва (ё) 7 моддаи 49 Кодекси мазкур пешбинишуда набояд аз панҷ ҳазор нишондиҳанда барои ҳисобҳо зиёд бошад. Агар яке аз ҷиноятҳои ба маҷмӯи ҳукмҳо дохилбуда ҷинояти дигар бошад, ҷазои ниҳоӣ аз рӯи қоидаҳои умумӣ муайян карда мешавад.".

6. Ба қисми 1 моддаи 69 банди "д" дорои мазмуни зайл илова карда шавад:

"д) 50 фоизи як нишондиҳанда барои ҳисобҳо нисбати андозаи ҷаримае, ки доир ба ҷиноятҳои дар қисмҳои 6 ва (ё) 7 моддаи 49 Кодекси мазкур пешбинишуда таъин гардидаанд.".

7. Дар моддаи 70:

- ба қисми 3 ҷумлаи дуюми дорои мазмуни зайл илова карда шавад:

"Дар ин маврид ҳангоми таъин намудани ҷазои ҷарима барои ҷиноятҳои пешбининамудаи қисмҳои 6 ва (ё) 7 моддаи 49 Кодекси мазкур, тартиби муайяннамудаи қисми 10 моддаи 49 ҳамин Кодекс татбиқ карда мешавад.";

- дар қисми 4 калимаи "ислоҳи" ба калимаи "ислоҳӣ" иваз карда шавад;

- дар қисми 6 калимаи "истифода" ба калимаҳои "татбиқ карда" иваз карда шавад.

8. Дар қисми 9 моддаи 71 пас аз калимаи "шартан" калимаҳои "татбиқ накардани" илова карда шаванд.

9. Дар моддаи 72:

- дар номи модда калимаи "кирдораш" ба калимаи "кирдор" иваз карда шавад;

- қисми 1 дар таҳрири зерин ифода карда шавад:

"1) Шахсе, ки бори аввал ҷинояти начандон вазнин ва ё дараҷаи миёна содир кардааст, агар пас аз содир намудани ҷиноят ихтиёрӣ омада, ба гуноҳи худ иқрор шавад ё ба ошкор намудани ҷиноят фаъолона мусоидат кунад ё зарари расонидаашро талофӣ намояд ё ин ки ба тариқи дигар зиёни расонидаашро рафъ кунад, мумкин аст аз ҷавобгарии ҷиноятӣ озод карда шавад.";

- дар қисми 2 калимаи "шароити" ба калимаи "шартҳои" иваз карда шавад.

10. Дар моддаи 77:

- дар қисми 3 калимаи "метавонад:" ба калимаҳои "метавонад, ба истиснои муқаррароти пешбининамудаи қисми 8 моддаи 49 Кодекси мазкур:" иваз карда шавад;

- қисми 7 бо мазмуни зайл илова карда шавад:

"7) Дар мавриди аз тарафи маҳкумшуда пурра талофӣ намудани зарари моддӣ тартиби пешбининамудаи қисми 8 моддаи 49 ҳамин Кодекс татбиқ карда мешавад.".

11. Дар моддаи 87:

- бандҳои "а", "б" ва "в" қисми 1 дар таҳрири зайл ифода карда шаванд:

"а) ҷарима;

б) маҳрум кардан аз ҳуқуқи машғул шудан бо фаъолияти муайян;

в) корҳои ҳатмӣ;";

- ба қисми 3 ҷумлаҳои сеюм ва чорум бо мазмуни зайл илова карда шаванд: "Дар ҳолати иваз намудани ҷазои маҳрум сохтан аз озодӣ ба ҷазои ҷарима мутобиқи тартиби муқаррарнамудаи қисми 8 моддаи 49 ҳамин Кодекс барои ҷиноятҳои дар қисмҳои 6 ва (ё) 7 моддаи 49 ҳамин Кодекс пешбинигардида андозаи ниҳоии ҷарима аз дусад нишондиҳанда барои ҳисобҳо зиёд буда наметавонад. Дар ҳолати ашаддӣ саркашӣ намудани ноболиғ аз пардохти ҷарима ва ё имконнопазирии пардохти ҷарима суд ҷаримаро (ё қисми напардохтаи онро) мутобиқи тартиби пешбининамудаи қисми 5 моддаи 49 ҳамин Кодекс иваз менамояд.";

- қисми 2 қисми 4, қисми 3 қисми 2, қисми 4 қисми 3 ҳисобида шаванд;

- дар қисми 6 калимаҳои "начандон вазнин ва" ба калимаҳои "начандон вазнин ё" иваз карда шаванд.

12. Ба моддаи 88 қисми 4 бо мазмуни зайл илова карда шавад:

"4) Андозаи ниҳоии ҷазои ҷарима ба ноболиғон барои маҷмӯи ҷиноятҳо ва ё аз рӯи маҷмӯи ҳукмҳо доир ба ҷиноятҳои дар қисмҳои 6 ва (ё) 7 моддаи 49 ҳамин Кодекс пешбинигардида аз дусад нишондиҳанда барои ҳисобҳо зиёд буда наметавонад.".

13. Дар моддаи 92:

- дар қисми 3 баъд аз калимаҳои "имконпазир аст" калимаҳои ", ба истиснои муқаррароти пешбининамудаи қисми 8 моддаи 49 Кодекси мазкур:" илова карда шаванд;

- қисми 7 бо мазмуни зайл илова карда шавад:

"7) Дар мавриди аз тарафи маҳкумшуда пурра талофӣ намудани зарари моддӣ, тартиби пешбининамудаи қисми 8 моддаи 49 ҳамин Кодекс татбиқ карда мешавад.".

14. Дар моддаи 245:

- дар санксияи қисми 1 калимаҳои "панҷсад то як ҳазор" ба калимаҳои "дусаду панҷоҳ то сесаду шасту панҷ" иваз карда шаванд;

- дар санксияи қисми 2 калимаҳои "як ҳазор то ду ҳазор" ба калимаҳои "сесаду шасту панҷ то нӯҳсаду дувоздаҳ" иваз карда шаванд;

- дар санксияи қисми 3 калимаҳои "бо маҳрум сохтан" ба калимаҳои "бо ҷарима ба андозаи аз нӯҳсаду дувоздаҳ то як ҳазору чорсаду шаст нишондиҳанда барои ҳисобҳо ё маҳрум сохтан" иваз карда шаванд;

- дар санксияи қисми 4 калимаҳои "бо маҳрум сохтан" ба калимаҳои "бо ҷарима ба андозаи аз як ҳазору чорсаду шаст то ду ҳазору яксаду навад нишондиҳанда барои ҳисобҳо ё маҳрум сохтан" иваз карда шаванд.

15. Дар моддаи 246:

- дар санксияи қисми 1 калимаҳои "як ҳазор то ду ҳазор" ба калимаҳои "дусаду панҷоҳ то сесаду шасту панҷ" иваз карда шаванд;

- дар санксияи қисми 2 калимаҳои "бо маҳрум сохтан" ба калимаҳои "бо ҷарима ба андозаи аз панҷсаду чилу ҳафт то як ҳазору чорсаду шаст нишондиҳанда барои ҳисобҳо ё маҳрум сохтан" иваз карда шаванд;

- дар санксияи қисми 3 калимаҳои "бо маҳрум сохтан" ба калимаҳои "бо ҷарима ба андозаи аз як ҳазору чорсаду шаст то ду ҳазору яксаду навад нишондиҳанда барои ҳисобҳо ё маҳрум сохтан" иваз карда шаванд.

16. Дар моддаи 247:

- санксияи қисми 1 дар таҳрири зайл ифода карда шавад:

"бо ҷарима ба андозаи аз дусаду панҷоҳ то сесаду шасту панҷ нишондиҳанда барои ҳисобҳо ё маҳдуд кардани озодӣ ба мӯҳлати то се сол ё маҳрум сохтан аз озодӣ ба мӯҳлати то ду сол ҷазо дода мешавад.";

- дар санксияи қисми 2 калимаҳои "бо маҳрум сохтан" ба калимаҳои "бо ҷарима ба андозаи аз сесаду шасту панҷ то нӯҳсаду дувоздаҳ нишондиҳанда барои ҳисобҳо ё маҳрум сохтан" ва калимаҳои "аз се" ба калимаҳои "аз ду" иваз карда шаванд;

- дар санксияи қисми 3 калимаҳои "бо маҳрум сохтан" ба калимаҳои "бо ҷарима ба андозаи аз нӯҳсаду дувоздаҳ то як ҳазору чорсаду шаст нишондиҳанда барои ҳисобҳо ё маҳрум сохтан" иваз карда шаванд;

- дар санксияи қисми 4 калимаҳои "бо маҳрум сохтан" ба калимаҳои "бо ҷарима ба андозаи аз як ҳазору чорсаду шаст то ду ҳазору яксаду навад нишондиҳанда барои ҳисобҳо ё маҳрум сохтан" иваз карда шаванд.

17. Дар моддаи 251:

- дар санксияи қисми 1 калимаҳои "бо маҳрум сохтан" ба калимаҳои "бо ҷарима ба андозаи аз нӯҳсаду дувоздаҳ то як ҳазору чорсаду шаст нишондиҳанда барои ҳисобҳо ё маҳрум сохтан" иваз карда шаванд;

- дар санксияи қисми 2 калимаҳои "бо маҳрум сохтан" ба калимаҳои "бо ҷарима ба андозаи аз як ҳазору чорсаду шаст то ду ҳазору яксаду навад нишондиҳанда барои ҳисобҳо ё маҳрум сохтан" иваз карда шаванд.

18. Дар моддаи 253:

- дар санксияи қисми 1 калимаҳои "панҷсад то як ҳазор" ба калимаҳои "дусаду панҷоҳ то сесаду шасту панҷ" иваз карда шаванд;

- дар санксияи қисми 2 калимаҳои "бо маҳдуд кардани" ба калимаҳои "бо ҷарима ба андозаи аз сесаду шасту панҷ то ҳафтсаду сӣ нишондиҳанда барои ҳисобҳо ё маҳдуд кардани" иваз карда шаванд;

- санксияи қисми 3 дар таҳрири зайл ифода карда шавад:

"бо ҷарима ба андозаи аз панҷсаду чилу ҳафт то нӯҳсаду дувоздаҳ нишондиҳанда барои ҳисобҳо ё маҳрум сохтан аз озодӣ ба мӯҳлати аз се то панҷ сол бо маҳрум кардан аз ҳуқуқи ишғоли мансабҳои муайян ё машғул шудан бо фаъолияти муайян ба мӯҳлати то панҷ сол ё бидуни он ҷазо дода мешавад.".

19. Дар моддаи 255:

- дар санксияи қисми 1 калимаҳои "бо корҳои" ба калимаҳои "бо ҷарима ба андозаи аз дусаду панҷоҳ то сесаду шасту панҷ нишондиҳанда барои ҳисобҳо ё корҳои" иваз карда шаванд;

- дар санксияи қисми 2 калимаҳои "бо маҳрум" ба калимаҳои "бо ҷарима ба андозаи аз сесаду шасту панҷ то нӯҳсаду дувоздаҳ нишондиҳанда барои ҳисобҳо ё маҳрум" иваз карда шаванд.

20. Дар санксияи моддаи 256 калимаҳои "панҷсад то як ҳазор" ба калимаҳои "дусаду панҷоҳ то сесаду шасту панҷ" иваз карда шаванд.

21. Дар моддаи 257:

- дар санксияи қисми 1 калимаҳои "панҷсад то як ҳазор" ба калимаҳои "дусаду панҷоҳ то сесаду шасту панҷ" иваз карда шаванд;

- дар санксияи қисми 2 калимаҳои "бо маҳрум" ба калимаҳои "бо ҷарима ба андозаи аз сесаду шасту панҷ то як ҳазору дусаду ҳафтоду ҳафт нишондиҳанда барои ҳисобҳо ё маҳрум" иваз карда шаванд;

- дар санксияи қисми 3 калимаҳои "бо маҳрум" ба калимаҳои "бо ҷарима ба андозаи аз як ҳазору дусаду ҳафтоду ҳафт то ду ҳазору яксаду навад нишондиҳанда барои ҳисобҳо ё маҳрум" иваз карда шаванд.

22. Дар моддаи 258:

- санксияи қисми 1 дар таҳрири зайл ифода карда шавад:

"бо ҷарима ба андозаи аз дусаду панҷоҳ то сесаду шасту панҷ нишондиҳанда барои ҳисобҳо бо маҳрум кардан аз ҳуқуқи ишғоли мансабҳои муайян ё машғул шудан бо фаъолияти муайян ба мӯҳлати се сол ҷазо дода мешавад";

- дар санксияи қисми 2 калимаҳои "аз панҷсад то як ҳазор" ба калимаҳои "аз сесаду шасту панҷ то панҷсаду чилу ҳафт" иваз карда шаванд.

23. Дар моддаи 259:

- санксияи қисми 1 дар таҳрири зайл ифода карда шавад:

"бо ҷарима ба андозаи аз сесаду шасту панҷ то панҷсаду чилу ҳафт нишондиҳанда барои ҳисобҳо ё маҳрум сохтан аз озодӣ ба мӯҳлати то се сол ҷазо дода мешавад.";

- дар санксияи қисми 2 калимаҳои "як то ду ҳазор" ба калимаҳои "панҷсаду чилу ҳафт то нӯҳсаду дувоздаҳ" иваз карда шаванд.

24. Дар моддаи 259(1):

- дар санксияи қисми 1 калимаҳои "панҷсад то як ҳазор" ба калимаҳои "дусаду панҷоҳ то сесаду шасту панҷ" иваз карда шаванд;

- дар санксияи қисми 2 калимаҳои "як то ду ҳазор" ба калимаҳои "сесаду шасту панҷ то нӯҳсаду дувоздаҳ" иваз карда шаванд.

25. Дар моддаи 260:

- дар санксия калимаҳои "панҷсад то як ҳазор" ба калимаҳои "дусаду панҷоҳ то сесаду шасту панҷ" иваз карда шаванд;

- ба модда қисми 2 дорои мазмуни зайл илова карда шавад:

"2) Ҳамин кирдор, агар:

а) такроран;

б) аз ҷониби гурӯҳи шахсон бо маслиҳати пешакӣ;

в) ба миқдори махсусан калон содир шуда бошад,

бо ҷарима ба андозаи аз сесаду шасту панҷ то нӯҳсаду дувоздаҳ нишондиҳанда барои ҳисобҳо ё маҳрум сохтан аз озодӣ ба мӯҳлати аз ду то панҷ сол ҷазо дода мешавад.".

26. Дар моддаи 263:

- дар санксияи қисми 1 калимаҳои "як ҳазор то ду ҳазор" ба калимаҳои "сесаду шасту панҷ то панҷсаду чилу ҳафт" иваз карда шаванд;

- дар санксияи қисми 2 калимаҳои "бо маҳрум" ба калимаҳои "бо ҷарима ба андозаи аз панҷсаду чилу ҳафт то нӯҳсаду дувоздаҳ нишондиҳанда барои ҳисобҳо ё маҳрум" иваз карда шаванд.

27. Дар моддаи 264:

- дар санксияи қисми 1 калимаҳои "ҳафтсад то як ҳазор" ба калимаҳои "сесаду шасту панҷ то ҳафтсаду сӣ" ва калимаҳои "то панҷ" ба калимаҳои "то чор" иваз карда шаванд;

- дар санксияи қисми 2 калимаҳои "як ҳазору панҷсад то ду ҳазор" ба калимаҳои "сесаду шасту панҷ то нӯҳсаду дувоздаҳ" иваз карда шаванд.

28. Дар санксияи моддаи 265 калимаҳои "як ҳазору панҷсад то ду ҳазор" ба калимаҳои "дусаду панҷоҳ то панҷсаду чилу ҳафт" иваз карда шаванд.

29. Дар санксияи моддаи 266 калимаҳои "панҷсад то як ҳазор" ба калимаҳои "дусаду панҷоҳ то сесаду шасту панҷ" иваз карда шаванд.

30. Дар моддаи 268:

- дар санксияи қисми 1 калимаҳои "як ҳазор то ду ҳазор" ба калимаҳои "дусаду панҷоҳ то сесаду шасту панҷ" иваз карда шаванд;

- дар санксияи қисми 2 калимаҳои "бо маҳрум" ба калимаҳои "бо ҷарима ба андозаи аз сесаду шасту панҷ то нӯҳсаду дувоздаҳ нишондиҳанда барои ҳисобҳо ё маҳрум" иваз карда шаванд.

31. Дар санксияи моддаи 270 калимаҳои "ҳаштсад то як ҳазору панҷсад" ба калимаҳои "дусаду панҷоҳ то панҷсаду чилу ҳафт" иваз карда шаванд.

32. Дар санксияи моддаи 271 калимаҳои "як ҳазор то ду ҳазор" ба калимаҳои "дусаду панҷоҳ то панҷсаду чилу ҳафт" иваз карда шаванд.

33. Дар моддаи 273:

- дар санксияи қисми 1 калимаҳои "як ҳазор то як ҳазору панҷсад" ба калимаҳои "дусаду панҷоҳ то сесаду шасту панҷ" иваз карда шаванд;

- дар санксияи қисми 2 калимаҳои "як ҳазору панҷсад то ду ҳазор" ба калимаҳои "сесаду шасту панҷ то нӯҳсаду дувоздаҳ" иваз карда шаванд;

- дар санксияи қисми 3 калимаҳои "бо маҳрум" ба калимаҳои "бо ҷарима ба андозаи аз нӯҳсаду дувоздаҳ то як ҳазору ҳаштсаду бисту панҷ нишондиҳанда барои ҳисобҳо ё маҳрум" иваз карда шаванд.

34. Дар санксияи моддаи 274 калимаҳои "ҳафтсад то як ҳазор" ба калимаҳои "дусаду панҷоҳ то сесаду шасту панҷ" иваз карда шаванд.

35. Дар моддаи 276:

- санксияи қисми 1 дар таҳрири зайл ифода карда шавад:

"бо ҷарима ба андозаи аз дусаду панҷоҳ то сесаду шасту панҷ нишондиҳанда барои ҳисобҳо ё маҳрум сохтан аз озодӣ ба мӯҳлати то ду сол ё маҳдуд кардани озодӣ ба ҳамин мӯҳлат ҷазо дода мешавад.";

- дар санксияи қисми 2 калимаҳои "як ҳазору панҷсад то ду ҳазор" ба калимаҳои "панҷсаду чилу ҳафт то нӯҳсаду дувоздаҳ" иваз карда шаванд.

36. Дар санксияи моддаи 277 калимаҳои "сесад то панҷсад" ба калимаҳои "дусаду панҷоҳ то сесаду шасту панҷ" иваз карда шаванд.

37. Дар санксияи моддаи 278 калимаҳои "сесад то панҷсад" ба калимаҳои "дусаду панҷоҳ то панҷсаду чилу ҳафт" иваз карда шаванд.

38. Дар санксияи моддаи 285 калимаҳои "сесад то панҷсад" ба калимаҳои "дусаду панҷоҳ то панҷсаду чилу ҳафт" иваз карда, калимаҳои "ё ҳабс ба мӯҳлати аз ду моҳ то шаш моҳ" хориҷ карда шаванд.

39. Дар моддаи 286:

- дар санксияи қисми 1 калимаҳои "дусад то як ҳазор" ба калимаҳои "сад то яксаду ҳаштоду се" иваз карда шаванд;

- дар санксияи қисми 2 калимаҳои "ҳазор то ду ҳазор" ба калимаҳои "панҷсаду чилу ҳафт то нӯҳсаду дувоздаҳ" иваз карда шаванд.

- санксияи қисми 3 дар таҳрири зайл ифода карда шавад:

"бо ҷарима ба андозаи аз нӯҳсаду дувоздаҳ то як ҳазору чорсаду шаст нишондиҳанда барои ҳисобҳо ё маҳрум сохтан аз озодӣ ба мӯҳлати аз панҷ то ҳашт сол ҷазо дода мешавад.".

40. Дар санксияи моддаи 287 калимаҳои "як ҳазору панҷсад то ду ҳазор" ба калимаҳои "дусаду панҷоҳ то панҷсаду чилу ҳафт" иваз карда шаванд.

41. Дар санксияи қисми 1 моддаи 289 калимаҳои "бо маҳрум" ба калимаҳои "бо ҷарима ба андозаи аз дусаду панҷоҳ то нӯҳсаду дувоздаҳ нишондиҳанда барои ҳисобҳо ё маҳрум" иваз карда шаванд.

42. Дар моддаи 291:

- дар санксияи қисми 1 калимаҳои "ҳаштсад то як ҳазору панҷсад" ба калимаҳои "дусаду панҷоҳ то сесаду шасту панҷ" иваз карда шаванд;

- дар санксияи қисми 2 калимаҳои "як ҳазор то ду ҳазор" ба калимаҳои "сесаду шасту панҷ то панҷсаду чилу ҳафт" иваз карда шаванд.

43. Дар моддаи 292:

- санксияи қисми 1 дар таҳрири зайл ифода карда шавад:

"бо ҷарима ба андозаи аз панҷсаду чилу ҳафт то нӯҳсаду дувоздаҳ нишондиҳанда барои ҳисобҳо ё маҳрум сохтан аз озодӣ ба мӯҳлати аз се то панҷ сол бо маҳрум намудан аз ҳуқуқи ишғоли мансабҳои муайян ё машғул шудан бо фаъолияти муайян ба ҳамин мӯҳлат ҷазо дода мешавад.";

- санксияи қисми 2 дар таҳрири зайл ифода карда шавад:

"бо ҷарима ба андозаи аз нӯҳсаду дувоздаҳ то як ҳазору чорсаду шаст нишондиҳанда барои ҳисобҳо ё маҳрум сохтан аз озодӣ ба мӯҳлати аз панҷ то ҳашт сол бо маҳрум намудан аз ҳуқуқи ишғоли мансабҳои муайян ё машғул шудан бо фаъолияти муайян ба ҳамин мӯҳлат ҷазо дода мешавад.".

44. Дар моддаи 293:

- дар санксияи қисми 1 калимаҳои "то ҳафтсад" ба калимаҳои "аз сад то дусаду панҷоҳ" иваз карда шаванд.

- дар санксияи қисми 2 калимаҳои "ҳафтсад то як ҳазор" ба калимаҳои "дусаду панҷоҳ то панҷсаду чилу ҳафт" ва калимаи "ду" ба калимаи "се" иваз карда шаванд;

45. Дар моддаи 295:

- дар санксияи қисми 1 калимаҳои "панҷсад то як ҳазор" ба калимаҳои "дусаду панҷоҳ то сесаду шасту панҷ" иваз карда шаванд;

- дар санксияи қисми 2 калимаҳои "як ҳазор то ду ҳазор" ба калимаҳои "сесаду шасту панҷ то панҷсаду чилу ҳафт" иваз карда шаванд.

46. Дар моддаи 314:

- дар санксияи қисми 1 калимаҳои "дусад то панҷсад" ба калимаҳои "дусаду панҷоҳ то сесаду шасту панҷ" иваз карда, калимаҳои "ё ҳабс ба мӯҳлати аз чор то шаш моҳ" хориҷ карда шаванд;

- дар санксияи қисми 2 калимаҳои "як ҳазор то ду ҳазор" ба калимаҳои "сесаду шасту панҷ то нӯҳсаду дувоздаҳ" иваз карда шаванд;

- дар санксияи қисми 3 калимаҳои "бо маҳрум" ба калимаҳои "бо ҷарима ба андозаи аз нӯҳсаду дувоздаҳ то як ҳазору ҳаштсаду бисту панҷ нишондиҳанда барои ҳисобҳо ё бо маҳрум" иваз карда шаванд.

47. Дар санксияи моддаи 315 калимаҳои "то сесад" ба калимаҳои "аз дусаду панҷоҳ то сесаду шасту панҷ" иваз карда шаванд.

48. Дар моддаи 316:

- дар санксияи қисми 1 калимаҳои "аз панҷсад то як ҳазор" ба калимаҳои "аз дусаду панҷоҳ то ҳафтсаду сӣ" иваз карда, калимаҳои "ё ҳабс ба мӯҳлати аз чор то шаш моҳ" хориҷ карда шаванд;

- дар санксияи қисми 2 калимаҳои "як ҳазор то ду ҳазор" ба калимаҳои "ҳафтсаду сӣ то як ҳазору дусаду ҳафтоду ҳафт" иваз карда шаванд;

- дар санксияи қисми 3 калимаҳои "бо маҳрум" ба калимаҳои "бо ҷарима ба андозаи аз нӯҳсаду дувоздаҳ то як ҳазору ҳаштсаду бисту панҷ нишондиҳанда барои ҳисобҳо ё маҳрум" иваз карда шаванд.

49. Санксияи моддаи 318 дар таҳрири зайл ифода карда шавад:

"бо ҷарима ба андозаи аз дусаду панҷоҳ то сесаду шасту панҷ нишондиҳанда барои ҳисобҳо ё маҳрум сохтан аз озодӣ ба мӯҳлати то ду сол бо маҳрум кардан аз ҳуқуқи ишғоли мансабҳои муайян ё машғул шудан бо фаъолияти муайян ба мӯҳлати то панҷ сол ҷазо дода мешавад.".

50. Дар моддаи 322:

- санксияи қисми 1 дар таҳрири зайл ифода карда шавад:

- "бо ҷарима ба андозаи аз сад то дусаду панҷоҳ нишондиҳанда барои ҳисобҳо ё корҳои ҳатмӣ ба мӯҳлати аз яксаду бист то яксаду ҳаштод соат ё корҳои ислоҳӣ ба мӯҳлати то ду сол ҷазо дода мешавад.";

- дар санксияи қисми 2 калимаҳои "бо маҳрум" ба калимаҳои "бо ҷарима ба андозаи аз дусаду панҷоҳ то нӯҳсаду дувоздаҳ нишондиҳанда барои ҳисобҳо ё маҳрум" иваз карда шаванд.

51. Дар санксияи моддаи 323 калимаҳои "то панҷсад" ба калимаҳои "аз дусаду панҷоҳ то сесаду шасту панҷ" иваз карда, калимаҳои "ё ҳабс ба мӯҳлати аз се то шаш моҳ" хориҷ карда шаванд.

52. Дар моддаи 340(1):

- дар санксияи қисми 1 калимаҳои "панҷсад то як ҳазор" ба калимаҳои "дусаду панҷоҳ то сесаду шасту панҷ" иваз карда шаванд;

- дар санксияи қисми 2 калимаҳои "як то ду ҳазор" ба калимаҳои "аз сесаду шасту панҷ то нӯҳсаду дувоздаҳ" иваз карда шаванд.

53. Дар моддаи 388:

- дар санксияи қисми 1 калимаҳои "то панҷсад" ба калимаҳои "дусаду панҷоҳ то сесаду шасту панҷ" иваз карда шаванд;

- дар санксияи қисми 2 калимаҳои "панҷсад то як ҳазор" ба калимаҳои "дусаду панҷоҳ то сесаду шасту панҷ" иваз карда шаванд.

54. Дар санксияи қисми 1 моддаи 391 калимаҳои "бо маҳдуд" ба калимаҳои "бо ҷарима ба андозаи аз дусаду панҷоҳ то нӯҳсаду дувоздаҳ нишондиҳанда барои ҳисобҳо ё маҳдуд" иваз карда, калимаҳои "ё ҳабс ба мӯҳлати то шаш моҳ" хориҷ карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Оид ба қабул намудани Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси ҷиноятии Ҷумҳурни Тоҷикистон"

Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси ҷиноятии Ҷумҳурии Тоҷикистон" қабул карда шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Оид ба Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси ҷиноятии Ҷумҳурии Тоҷикистон"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистонро "Дар бораи ворид намудани тағйиру иловаҳо ба Кодекси ҷиноятии Ҷумҳурии Тоҷикистон" баррасӣ намуда, қарор мекунад:

Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси ҷиноятии Ҷумҳурии Тоҷикистон" ҷонибдорӣ карда шавад.