ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи гузаронидани барӯйхатгирии аҳолӣ дар соли 2010

Мутобиқи моддаи 69 Конститутсияи (Сарқонуни) Ҷумҳурии Тоҷикистон ва бо дарназардошти аҳамияти умумидавлатӣ доштани барӯйхатгирии аҳолӣ фармон медиҳам:

1) Барӯйхатгарии аҳолӣ дар давраи аз 21 то 30 сентябри соли 2010 гузаронида шавад.

2) Ҳукумати Ҷумҳурии Тоҷикистон:

а) барои дар сатҳи баланд ташкил намудани барӯйхатгирии аҳолӣ чораҳо андешад;

б) ҳамкориии мақомоти иҷроияи маҳаллии ҳокимияти давлатии Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳоро бо мақомоти давлатии омор дар гузаронидани барӯйхатгирии аҳолӣ таъмин намояд;

в) дар давраи аз 1 сентябри соли 2009 то 1 марти соли 2011 тағйир додани марзи воҳидҳои маъмурию ҳудудии ҷумҳурӣ, номгузории маҳалҳои аҳолинишин ва кӯчаҳо муваққатан боздошта шавад.