ОИННОМАИ БУНЁДИ ИЛМИИ ЭКО
Дар ҷаласаи 5-уми шӯрои Вазирони ЭКО қабул шудааст. (Ашгобод, 21-23 январи соли 1995)
Қабули тадбирҳорооиди таъсис додани Бунёди Илмии ЭКО барои ташаккул додани кадрҳои баладихтисоси илмию техникӣ ва мустаҳкам намудани муассисаҳои илмии тадқиқотии кишварҳои узви ЭКО, инчунин барои ҳалли масоили дигари дахлдор ба мақсад мувофиқ ҳисобида, аҳкоми зерин тасдиқ карда мешаванд:
1. Номгӯи мухтасар, ҷодаи амал ва ибтидои фаъолият
а) Ҳуҷҷати мазкур Оинномаи Бунёди илмии ЭКО 1995 номида мешавад.
б) Ҷодаи амали ҳуҷҷати мазкур ба ҳамаи минтақаи ЭКО паҳн мегардад.
в) Баъди тасдиқ шудан аз ҷониби Шӯрои Вазирон, Оинномаи Бунёди илмии ЭКО пас аз он, ки вай аз тарафи ҳар як кишвари узв мувофиқи қонунгузориашон тасдиқ ва ба тасвиб мерасад, қувваи қонунӣ пайдо мекунад.
2. Таъинот
Дар Оинномаи мазкур, агар ин ба мазмуни матни он мухолифат накунад:
"Бунёд" Бунёди илмии ЭКО-ро дар назар дошта, дар асоси ин Оиннома таъсис дода мешавад ва Шӯроҳои Сарпарастону Мудирони худро доро мебошанд.
3. Таъсис додани Бунёд
а) Бунёд бо номи "Бунёди илмии ЭКО" шахси юридикӣ буда, пайвастагии доимӣ, муҳр ва ҳуқуқи худро доро аст ва мувофиқи аҳкоми Оинномаи мазкур ҳуқуқ дорад, ки моликияти манқулу ғайриманқулро ба даст биёрад, онҳоро доро бошад ва дар ихтиёри худ дошта бошад, инчунин даъво пешниҳод кунад ва дар назди додгоҳ ҷавоб бигӯяд.
б) Қароргоҳи Бунёд дар Исломобод (Покистон) ҷойгир буда, марказҳои ҳамоҳангсози он дар ҳар як кишвари узви ЭКО воқеъ мегардад.
4. Вазифаҳои Бунёд
Бунёд ҳамчун мақоми ҳамоҳангсоз, молиявӣ ва идоракунанда буда, ба пеш бурдани фаъолиятҳои зерин дар кишварҳои узви ЭКО кӯмак ва мусоидат мекунад:
...
