Ҳукумати Ҷумҳурии Тоҷикистон

ҚАРОР

Дар бораи тасдиқи Оинномаи интизомии воҳидҳои полиси андози Кумитаи андози назда Ҳукумати Ҷумҳурии Тоҷикистон

Ҳукумати Ҷумҳурии Тоҷикистон қарор мекунад:

1. Оинномаи интизомии замимашудаи воҳидҳои полиси андози Қумитаи андози назди Ҳукумати Ҷумҳурии Тоҷикистон тасдиқ карда шавад.

2. Ба Низомнома дар бораи адои хизмат дар ҷузъу томҳои полиси андози Кумитаи андози назди Ҳукумати Ҷумҳурии Тоҷикистон, ки бо Қарори Ҳукумати Ҷумҳурии Тоҷикистон аз 31 июли соли 1996 № 342 тасдиқкарда шудааст, таъғироту иловаҳои зерин дохил карда шавад:

- дар матни тоҷикии Низомнома калимаҳои "ҷузъу томҳо" бо калимаи "воҳидҳо" иваз карда шавад;

банди 25 Низомнома дар таҳрири зайл баён карда шавад:

" 25. Интизоми хизматӣ дар полиси андоз.

Масъалаҳои интизоми хизматӣ дар полиси андози Кумитаи андози назди Ҳукумати Ҷумҳурии Тоҷикистон дар Оинномаи интизомии воҳидҳои полиси андози Кумитаи андози назди Ҳукумати Ҷумҳурии Тоҷикистон пешбинӣ карда мешавад".

3. Бандҳои 26, 27, 28 Низомнома аз этътибор соқит карда шавад.