Ҳукумати Ҷумҳурии Тоҷикистон

ҚАРОР

Дар бораи ворид намудани тағйирот ба қарори Ҳукумати Ҷумҳурии Тоҷикистон аз 12 августи соли 1997 № 366

Мутобиқи моддаи 43 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Рӯйхати аъзои Комиссия оид ба масъалаҳои сохтмони нотамом, ки бо қарори Ҳукумати Ҷумҳурии Тоҷикистон аз 12 августи соли 1997 № 366 "Дар бораи тасдиқи Низомномаи фурӯши иншооти сохтмони нотамом ва Комиссия оид ба масьалаҳои сохтмони нотамом" тасдиқ гардидааст, дар таҳрири зайл баён карда шавад:

- Муовини аввали Сарвазири Ҷумҳурии Тоҷикистон - мутасаддии масъалаҳои сохтмони асосӣ (Раиси Комиссия);

- Мудири Шӯъбаи сохтмон ва меъмории Дастгоҳи иҷроияи Президенти Ҷумҳурии Тоҷикистон;

- Муовини мудири Шӯъбаи ислоҳоти иқтисодӣ ва инвеститсияи Дастгоҳи иҷроияи Президенти Ҷумҳурии Тоҷикистон;

- Муовини Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон;

- Муовини Директори Агентии сохтмон ва меъмории назди Ҳукумати Ҷумҳурии Тоҷикистон;

- Сардори Раёсати омори саноат ва инвеститсияҳо дар сохтмони Кумитаи давлатии омори Ҷумҳурии Тоҷикистон;

- Муовини сардори Раёсати сиёсати буҷет дар соҳаҳои иқтисодиёти Вазорати молияи Ҷумҳурии Тоҷикистон;

- Сардори Шӯъбаи таҳияи барномаҳои давлатии сармоягузории Вазорати рушди иқтисод ва савдои Ҷумҳурии Тоҷикистон;

- Сармутахассиси Раёсати моликияти давлатии Кумитаи давлатии сармоягузорӣ ва идораи амволи давлатии Ҷумҳурии Тоҷикистпн (Котиби Комиссия).