ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи ворид намудани тағйирот ба баъзе фармонҳои Президенти Ҷумҳурии Тоҷикистон

Бо мақсади амали намудани ислоҳоти музди меҳнати хизматчиёни давлатии мақомоти идоракуиии давлатӣ фармон медиҳам:

1. Банди 1 Фармони Президенти Ҷумҳурии Тоҷикистон аз 5 декабри соли 2001 № 721 "Дар бораи теъдоди кормандон ва такмили минбаъдаи фаъолияти Дастгоҳи иҷроияи Президенти Ҷумҳурии Тоҷикистон" дар таҳрири зайл ифода карда шавад:

"1. Шумораи ниҳоии кормандони Дастгоҳи иҷроияи Президенти Ҷумҳурии Тоҷикистон ба миқдори 293 воҳид (аз ҷумла, Роҳбарияти Ҳукумати Ҷумҳурии Тоҷикистон ба миқдори 8 воҳид) муқаррар карда шавад".

2. Шумораи кормандони ҳайати хизматрасони Идораи хоҷагии Дастгоҳи иҷроияи Президенти Ҷумҳурии ба миқдори 237 воҳид ихтисор карда шавад.

3. Банди 2 Фармони Президенти Ҷумҳурии Тоҷикистон аз 23 сентябри соли 2002 № 898 "Дар бораи тасдиқи Оинномаи Идораи хоҷагии Дастгоҳи иҷроияи Президенти Ҷумҳурии Тоҷикистон, сохтор ва шумораи штатии он" дар таҳрири зайл ифода карда шавад:

"2. Шумораи ниҳоии кормандони Идораи хоҷагии Дастгоҳи иҷроияи Президенти Ҷумҳурии Тоҷикистон ба миқдори 38 воҳид (бе ҳайати хизматрасон) муқаррар карда шавад".

Президенти

Ҷумҳурии Тоҷикистон                         Э. Раҳмонов

аз 25 ноябри соли 2006 № 7

ш. Душанбе