ҚОНУНИ ҶУМҲУРИИ ТОҶИКИСТОН

"Дар бораи ворид намудани тағйиру иловаҳо ба қисми дуюми Кодекси граждании Ҷумҳурии Тоҷикистон"

Моддаи 1. Ба қисми дуюми Кодекси граждании Ҷумҳурии Тоҷикистон аз 11 декабри соли 1999 (Ахбори Маҷлиси Олии Ҷумҳурии Тоҷикистон, соли 1999. №12, моддаи 323; соли 2002, № 4, қисми 1, моддаи 170) тағйиру иловаҳои зайл ворид карда шаванд:

1. Дар моддаи 645:

қисми 3 бо мазмуни зайл илова карда шавад:

"3. Муқаррароти қисмҳои 1 ва 2 моддаи мазкур ба шартномаи иҷораи амволи давлатӣ паҳн намегарданд.";

қисми 3 қисми 4 ҳисобида шавад.

2. Моддаи 674 дар таҳрири зерин ифода карда шавад:

"Моддаи 674. Ҳуқуқи истифодаи қитъаи замин ҳангоми ба иҷора додани бино ё иншоот

Ҳангоми ба иҷора додани бино ё иншоот ҳуқуқи истифодаи қитъаи заминс, ки онро бино ё иншоот ишғол кардааст ба иҷорагир то ба анҷом расидани мӯҳлати иҷораи бино ё иншоот дода мешавад.".

Моддаи 2. Қонуни мазкур пас аз интишори расмӣ мавриди амал қарор дода шавад.