ҚОНУНИ ҶУМҲУРИИ ТОҶИКИСТОН

Дар бораи ворид намудани тағйирот ба Кодекси гумруки Ҷумҳурии Тоҷикистон

Моддаи 1. Ба Кодекси гумруки Ҷумҳурии Тоҷикистон аз 3 декабри соли 2004 (Ахбори Маҷлиси Олии Ҷумҳурии Тоҷикистон, с.2004, № 12, қ. 2, мод. 704) тағйироти зерин ворид карда шаванд:

1. Сархати дуюми қисми 2 моддаи 494 хориҷ карда шавад.

2. Дар моддаи 495:

банди сеюми қисми 1 дар таҳрири зерин баён карда шавад:

"3) иловапулӣ барои собиқаи хизмат.";

бандҳои чорум ва панҷуми қисми 1 хориҷ карда шаванд;

қисми 2 дар таҳрири зерин баён карда шавад:

"2. Маоши вазифавӣ, маош барои рутбаи махсус, андоза ва тартиби додани иловапулӣ барои собиқаи хизмати кормандони мақомоти гумрукро Президенти Ҷумҳурии Тоҷикистон муайян мекунад.".

Моддаи 2. Қонуни мазкур аз 1 январи соли 2006 мавриди амал қарор дода шавад.