ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи тасдиқи ҳайати қисми тоҷикистонии Комиссияи байниҳукуматии Тоҷикистону Қазоқистон оид ба ҳамкории иқтисодӣ

Бо мақсади инкишоф ва таъмини минбаъдаи ҳамкорӣ бо Ҷумҳурии Қазоқистон Ҳукумати Ҷумҳурии Тоҷикистон қарор мекунад:

1. Қисми тоҷикистонии Комиссияи байниҳукуматии Тоҷикистону Қазоқистон оид ба ҳамкории иқтисодӣ дар ҳайати зерин тасдиқ карда шавад:

- Вазири молияи Ҷумҳурии Тоҷикистон, Раиси қисми тоҷикистонии комиссия;

- Муовини вазири иқтисод ва савдои Ҷумҳурии Тоҷикистон, муовини Раиси комиссия.

Аъзои комиссия:

- Мудири шӯъбаи робита бо кишварҳои хориҷии Дастгоҳи иҷроияи Президенти Ҷумҳурии Тоҷикистон;

- Муовини аввали вазири адлияи Ҷумҳурии Тоҷикистон;

- Муовини вазири мелиоратсия ва хоҷагии оби Ҷумҳурии Тоҷикистон;

- Муовини вазири корҳои хориҷии Ҷумҳурии Тоҷикистон;

- Муовини вазири энергетикаи Ҷумҳурии Тоҷикистон;

- Муовини вазири даромадҳо ва пардохтҳои давлатии Ҷумҳурии Тоҷикистон;

- Муовини вазири саноати Ҷумҳурии Тоҷикистон;

- Муовини вазири нақлиёти Ҷумҳурии Тоҷикистон;

- Муовини вазири меҳнат ва ҳифзи иҷтимоии аҳолии Ҷумҳурии Тоҷикистон;

- Муовини вазири кишоварзии Ҷумҳурии Тоҷикистон;

- Муовини раиси Бонки миллии Тоҷикистон;

- Сардори раёсати муносибатҳо бо мамлакатҳои ИДМ-и Вазорати иқтисод ва савдои Ҷумҳурии Тоҷикистон, котиби масъули Комиссия.

2. Ба Раиси қисми тоҷикистонии Комиссияи байниҳукумати ваколат дода шавад, ки бо мувофиқаи Ҳукумати Ҷумҳурии Тоҷикистон ҳайати иштироккунандагони ҷаласаҳоро аз рӯи масъалаҳои баррасишаванда муайян намояд.

3. Қарори Ҳукумати Ҷумҳурии Тоҷикистон аз 25 июли соли 2000 № 306 "Дар бораи тасдиқи ҳайати қисми ҷониби Тоҷикистон дар Комиссияи байниҳукуматии Тоҷикистону Қазоқистон оид ба ҳамкорӣ ва баррасии маҷмӯи масъалаҳои дуҷониба" беътибор дониста шавад.

4. Вазорати корҳои хориҷии Ҷумҳурии Тоҷикистон бо тартиби муқарраргардида ҷониби Қазоқистонро аз қарори мазкур огоҳ созад.