Бо қарори Ҳукумати ҶТ аз 31.03.1999с. № 117 беэътибор дониста шуд

Ҳукумати Ҷумҳурии Тоҷикистон

ҚАРОР

Дар бораи ворид намудани тағйирот ба Замимаи қарори Ҳукумати Ҷумҳурии Тоҷикистон "Дар бораи меъёри акцизҳо барои баъзе молҳои дар қаламрави Ҷумҳурии Тоҷикистон истеҳсолшавандава ба қаламрави Ҷумҳурии Тоҷикистон берун аз ҳудуди давлатҳои аъзои Иттиҳоди Давлатҳои Мустақил воридшаванда"

Бо мақсади ғани гардонидани бозор бо моли мавриди ниёзи мардум Ҳукумати Ҷумҳурии Тоҷикистон қарор мекунад:

Аз 1 июни соли 1998 аз номгӯи молҳои тахти акциз қарордошта, ки дар замима ба қарори Ҳукумати Ҷумҳурии Тоҷикистон аз 17 декабри соли 1997 № 517 "Дар бораи меъёри акцизҳо барои баъзе молҳои дар қаламрави Ҷумҳурии Тоҷикистон истеҳсолшаванда ва ба қаламрави Ҷумҳурии Тоҷикистон берун аз ҳудуди давлатҳои аъзои иттиҳоди Давлатҳои Мустакил воридшаванда", ки ба кодҳои зайл шомиланд, хориҷ карда шаванд:

170490750 тоффи, карамелҳо ва маҳсулоти қаннодии мушобеҳ

2009 Шарбати мева (аз ҷумла шираи ангур) ва сабзавоти нотуршонидаи таркибаш беспирт, ки ба он қанд ва ё дигар маводи ширинӣ ҳамроҳ карда шудааст ё нашудааст

2201 Обҳо, аз ҷумла обҳои табиӣ ва сунъии маъданӣ, обҳои газдори беқанд ё бе дигар маводи-ширинкунанда ё хушбӯйкунанда, ях ва ё барф

2202 Обҳо, аз ҷумла обҳои маъданӣ ва газдори ба таркибашон қанд, дигар маводи ширинӣ ё хушбӯй ҳамроҳкардашуда ва дигар нӯшокиҳои беспирт, ба истиснои шарбатҳои мева ва сабзавоти дар номгӯи моли 2009 зикршуда

4303 Либоси мӯина, лавозимоти он ва дигар маснуоти пӯсту мӯина

6506 Кулоҳҳо бо астар ё беастар, бо ороиш ё бе ороиш

7013 Зарфи шишагии таомхурӣ ва ошхона, лавозими ташноб ва ашьёи идора маснуоти шишагин барои хона ё маснуоти ба ҳамин монанд (ғайр аз маҳсулоти номгӯи молии 7010 ё 7018)