ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи чораҳои татбиқи Фармони Президенти Ҷумҳурии Тоҷикистон aз 29 декабри соли 1996 № 632 "Дар вораи баъзе тадбирҳои такмили фаъолияти идораҳои нотариалии давлатии Ҷумҳурии Тоҷикистон"

Оид ба иҷроиши Фармони Президенти Ҷумҳурии Тоҷикистон аз 29 декабри соли 1996 № 632 "Дар бораи баъзе тадбирҳои такмили фаъолияти идораҳои нотариалии давлатии Ҷумҳурии Тоҷикистон", Ҳукумати Ҷумҳурии Тоҷикистон қарор мекунад:

1. Муқаррар карда шавад, ки ҳамаи идораҳои нотариалии давлатӣ дар қаламрави Ҷумҳурии Тоҷикистон аз 1 марти соли 1997 фаъолияти нотариалиро бояд дар қоғази дорои нишони дараҷаи ҳифзаш муқарраршуда амали гардонанд. Фаъолиятҳои нотариалие, ки дар дигар намуди бланкҳо амали мегарданд, беқурб ҳисобида мешаванд.

2. хориҷ карда шуд (қарори Ҳукумати ҶТ аз 28.02.2025 № 130).

3. Маблағи коғази дорои нишони дараҷаи ҳифзаш муқарраршуда ҳангоми иҷрои амалиёти нотариалӣ ситонида шавад.

4. Вазорати адлияи Ҷумҳурии Тоҷикистон тартиби нигоҳдорӣ, фурӯш ва пешниҳоди ҳисобот оид ба коғази дорои нишони дараҷаи ҳифзаш муқарраршударо таҳия ва тасдиқ намояд (Қарори Ҳукумати ҶТ аз 29.12.2022 № 625)

5. хориҷ карда шуд (Қарори Ҳукумати ҶТ аз 29.12.2022 № 625).