ҚОНУНИ ҶУМҲУРИИ ТОҶИКИСТОН

ДАР БОРАИ ВОРИД НАМУДАНИ ТАҒЙИРУ ИЛОВАҲО БА КОДЕКСИ ҶИНОЯТИИ ҶУМҲУРИИ ТОҶИКИСТОН

Моддаи 1. Ба Кодекси ҷиноятии Ҷумҳурии Тоҷикистон, ки бо Қонуни Ҷумҳурии Тоҷикистон аз 21 майи соли 1998 (Ахбори Маҷлиси Олии Ҷумҳурии Тоҷикистон, соли 1998, № 9, мод. 68, 69; № 22, мод. 306; соли 1999, № 12, мод. 316; соли 2001, № 4, мод. 149, 167; соли 2002, № 11, мод. 675, 750; соли 2003, № 8, мод. 456, 468; соли 2004, № 5, мод. 346; № 7, мод. 452, 453) қабул гардидааст, тағйиру иловаҳои зерин ворид карда шаванд:

1. Дар моддаи 47:

банди "л" дорои мазмуни зайл илова карда шавад:

"л) якумра аз озоди маҳрум сохтан;";

банди "л" банди "м" ҳисобида шавад.

2. Дар қисми 1 моддаи 48 баъд аз калимаҳои "маҳрум сохтан аз озодӣ," калимаҳои "якумра аз озоди маҳрум сохтан," илова карда шаванд.

3. Дар моддаи 58:

дар қисми 4 калимаҳои "бисту панҷ сол" ба калимаҳои "си сол" иваз карда шаванд;

дар банди "д" қисми 5 баъд аз калимаҳои "нисбати онҳо" калимаҳои "ҷазои якумра аз озоди маҳрум сохтан таъин шудааст ё" илова карда шаванд.

4. Ба Кодекс моддаи 58(1) бо мазмуни зайл илова карда шавад:

"Моддаи 58(1). Якумра аз озоди маҳрум сохтан

1) Якумра аз озоди маҳрум сохтан танҳо ҳамчун алтернативаи ҷазои қатл барои содир намудани ҷиноятҳои махсусан вазнин, ки ҳамин Кодекс пешбинӣ намудааст, таъин карда мешавад.

2) Якумра аз озоди маҳрум сохтан ба занон, инчунин шахсони то синни ҳаждаҳсолаги ҷиноят содирнамуда ва мардоне, ки дар лаҳзаи баровардани ҳукм аз тарафи суд ба шастусесолаги расидаанд, таъин карда намешавад".

5. Дар қисми 3 моддаи 59 баъд аз калимаҳои "мумкин аст ба" калимаҳои "якумра аз озоди маҳрум сохтан ё" илова карда шавад.

6. Дар қисми 4 моддаи 64 баъд аз калимаҳои "ҷазои қатл" калимаҳои "ва ҷазои якумра аз озоди маҳрум сохтан" илова карда шаванд.

7. Дар моддаи 67:

дар қисми 3 калимаҳои "бисту панҷ" ба калимаи "си" иваз карда шавад;

дар матни қисми 4 баъд аз калимаҳои "ҷазои қатл" калимаҳои "ё якумра аз озоди маҳрум сохтан" илова карда шаванд.

8. Дар моддаи 68:

дар қисми 3 калимаҳои "бисту панҷ" ба калимаи "си" иваз карда шавад;

қисми 4 модда дар таҳрири зайл ифода карда шавад:

"4) Дар мавриди таъини ҷазо аз рӯи маҷмӯи ҳукмҳо, агар бо яке аз ҳукмҳо ҷазои қатл ё якумра аз озоди маҳрум сохтан таъин шуда бошад, ҷазои ниҳои бо роҳи ҷазои сабуктарро дар бар гирифтани ҷазои қатл ё якумра аз озоди маҳрум сохтан таъин карда мешавад."

9. Дар матни қисми 5 моддаи 75 баъд аз калимаҳои "ҷазои қатл" калимаҳои "ё якумра аз озоди маҳрум сохтан" илова карда шаванд.

10. Банди "а" қисми 7 моддаи 76 дар таҳрири зайл ифода карда шавад:

"а) шахсе, ки нисбати ӯ ҷазои якумра аз озоди маҳрум сохтан таъин шудааст ё ҷазои қатл ба тариқи бахшиши ҷазо бо маҳрум сохтан аз озоди иваз карда шудааст;".

11. Дар қисми 4 моддаи 81 баъд аз калимаҳои "ҷазои қатл" калимаҳои "ё якумра аз озоди маҳрум сохтан" илова карда шаванд.

12. Дар санксияҳои қисми 2 моддаи 104, қисми 3 моддаи 138, қисми 3 моддаи 179, санксияҳои моддаҳои 398 ва 399 баъд аз калимаҳои "ҷазои қатл" калимаҳои "ё якумра аз озоди маҳрум сохтан" илова карда шаванд.

13. Банди дуюми эзоҳи моддаи 195 дар таҳрири зайл ифода карда шавад:

"2) Мутобиқи қисми якуми ҳамин модда ҷавобгарии ҷинояти барои кирдорҳои ғайриқонунӣ бо тирҳо танҳо он гоҳ ба миён меоянд, ки агар шумораи тирҳо то даҳ дона бошад ва агар ин кирдор дар давоми соли баъди татбиқи ҷазои маъмурӣ содир шуда бошад. Барои зиёда аз даҳ дона тир бошад, ҷавобгарии ҷиноятӣ новобаста аз ҷавобгарии маъмурӣ ба миён меояд."

14. Аз санксияҳои қисми 1 моддаи 248, қисми 1 моддаи 282 калимаҳои "бо мусодираи амвол ё бидуни он" хориҷ карда шаванд.

15. Аз санксияҳои қисми 4 моддаи 279, қисмҳои 2, 3 моддаи 280 ва қисми 2 моддаи 286 калимаҳои "бо мусодираи амвол" хориҷ карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.