Ҳукумати Ҷумҳурии Тоҷикистон

ҚАРОР

Дар бораи таъсиси Корхонаи воҳиди давлатии "Маркази рушди бозори молҳои саноатӣ"

Тибқи моддаи 125 Кодекси граждании Ҷумҳурии Тоҷикистон Ҳукумати Ҷумҳурии Тоҷикистон қарор мекунад:

1. Идораи таъминоти коргарони Вазорати саноати Ҷумҳурии Тоҷикистон ба Корхонаи воҳиди давлатии "Маркази рушди бозори молҳои саноатӣ" табдил дода шавад.

2. Банди 4 фасли IX Номгӯи "Корхонаҳои давлатӣ ва ҷамъиятҳои саҳомие, ки фаъолиятро дар асоси созишномаҳои дуҷониба бо Вазорати саноати Ҷумҳурии Тоҷикистон анҷом медиҳанд", ки бо қарори Ҳукумати Ҷумҳурии Тоҷикистон аз 4 марти соли 2002 № 87 тасдиқ шудааст, дар таҳрири зайл ифода гардад:

- "4. Корхонаи воҳиди давлатии ,Маркази рушди бозори молҳои саноатӣ".

3. Вазорати саноати Ҷумҳурии Тоҷикистон дар мӯҳлати як моҳ Оинномаи Корхонаи воҳиди давлатии "Маркази рушди бозори молҳои саноатӣ"-ро мувофиқи тартиби муқарраргардида таҳия ва тасдиқ намояд.

Раиси

Ҳукумати Ҷумҳурии Тоҷикистон                  Э. Раҳмонов

аз 3 июли соли 2003 № 305

ш. Душанбе