ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи Тартиби бақайдгирии давлатии оромгоҳҳои ҳалокшудагон ҳангоми ҳифзи Ватан

Мутобиқи моддаи 9 Қонуни Ҷумҳурии Тоҷикистон "Дар бораи ҷовидон гардонидани хотираи ҳалокшудагон ҳангоми ҳифзи Ватан" Ҳукумати Ҷумҳурии Тоҷикистон қарор мекунад:

1. Тартиби бақайдгирии давлатии оромгоҳҳои ҳалокшудагон ҳангоми ҳифзи Ватан тасдиқ карда шавад (замима мегардад).

2. Вазорати мудофиаи Ҷумҳурии Тоҷикистон ва Вазорати корҳои хориҷии Ҷумҳурии Тоҷикистон якҷо бо вазорату идораҳои дахлдор, мақомоти иҷроияи маҳаллии ҳокимияти давлатӣ ҷиҳати амалишавии Тартиби мазкур чораҳои зарурӣ андешанд.