ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани илова ба қарори Ҳукумати Ҷумҳурии Тоҷикистон аз 1 августи соли 2008, №369

Мутобиқи моддаи 251 Кодекси андози Ҷумҳурии Тоҷикистон, моддаи 345 Кодекси гумруки Ҷумҳурии Тоҷикистон ва моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба банди 1 қарори Ҳукумати Ҷумҳурии Тоҷикистон аз 1 августи соли 2008, №369 "Дар бораи объектҳои махсусан муҳим" зербанди 46) бо мазмуни зерин илова карда шавад:

"46) Иншооти 10 қароргоҳ барои қабули меҳмонони сатҳи олӣ, воқеъ дар хиёбони Рӯдакии шаҳри Душанбе.".

2. Номгӯйи молҳои барои "Иншооти 10 қароргоҳ барои қабули меҳмонони сатҳи олӣ, воқеъ дар хиёбони Рӯдакии шаҳри Душанбе" ба Ҷумҳурии Тоҷикистон воридшаванда, ки аз пардохти андоз аз арзиши иловашуда ва боҷи гумрукӣ озод карда мешаванд, тасдиқ карда шавад (замима мегардад).

3. Хадамоти гумруки назди Ҳукумати Ҷумҳурии Тоҷикистон барасмиятдарории гумрукӣ ва назорати истифодабарии мақсадноки молҳои воридшавандаро таъмин намояд.