ҲУКУМАТИ ҶУМҲУРИИ ТОҶИКИСТОН

ҚАРОР

Оид ба ворид намудани тағйиру иловаҳо ба қарори Ҳукумати Тоҷикистон аз 3 марти соли 2007, №107

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба Низомномаи Хадамоти давлатии назорат ва танзим дар соҳаи нақлиёт, ки бо қарори Ҳукумати Ҷумҳурии Тоҷикистон аз 3 марти соли 2007, № 107 "Дар бораи Хадамоти давлатии назорат ва танзим дар соҳаи нақлиёт" тасдиқ шудааст, тағйиру иловаҳои зерин ворид карда шаванд:

1. Дар банди 5:

- дар сархати сеюм калимаҳои "ва аз нав ба расмиятдарории" ба аломат ва калимаҳои ", аз нав ба расмият даровардан ва дароз намудани муҳлати амали" иваз карда шавад;

- дар сархати даҳум аломати нуқта ба аломати нуқтавергул ";" иваз карда шуда, сархатҳои ёздаҳум, дувоздаҳум, сенздаҳум, чордаҳум ва понздаҳум бо мазмуни зерин илова карда шаванд:

" - баҳисобгирии воситаҳои нақлиёти автомобилие, ки ҳамлу нақли байналмилалии автомобилии мусофирон ва борро амалӣ менамоянд;

- баҳисобгирии истифодаи рухсатномаҳо барои амалӣ намудани ҳамлу нақли байналмилалии автомобилӣ дар нуқтаҳои гузариш тавассути сарҳади давлатии Ҷумҳурии Тоҷикистон;

- санҷиши ҳуҷҷатҳои нақлиётӣ ва иҷозатномадиҳӣ барои амалӣ намудани ҳамлу нақли байналмилалии автомобилии мусофирон ва (ё) бор;

- назорати риояи реҷаи кор ва истироҳати ронандагони воситаҳои нақлиёти механикие, ки бо тахограф таҷҳизонида шудаанд;

- ба шахсони воқеӣ ва ҳуқуқӣ тибқи тартиби муқарраршуда додани сертификат ҷиҳати амалӣ намудани хизматрасониҳои соҳаи нақлиёт.".

2. Дар сархати чордаҳум банди 6 аломати нуқта ба аломати нуқтавергул ";" иваз карда шуда, сархати понздаҳум бо мазмуни зерин илова карда шаванд:

 " - истифодаи ишорачӯб барои манъ намудани ҳаракати воситаи нақлиёт дар ҷойҳои муайяне, ки бо аломатҳои роҳ ифода шудаанд.".