ҚОНУНИ ҶУМҲУРИИ ТОҶИКИСТОН

ДАР БОРАИ ВОРИД НАМУДАНИ ТАҒЙИРУ ИЛОВАҲО БА КОДЕКСИ МУРОФИАВИИ ГРАЖДАНИИ ҶУМҲУРИИ ТОҶИКИСТОН

Моддаи 1. Ба Кодекси мурофиавии граждании Ҷумҳурии Тоҷикистон, ки бо Қонуни Ҷумҳурии Тоҷикистон аз 5 январи соли 2008 қабул шудааст (Ахбори Маҷлиси Олии Ҷумҳурии Тоҷикистон, с.2008, №1, қ.1, мод.6, мод.7; с.2010, №1, мод.6; с.2012, №7, мод.721; с.2014, №7, қ.1, мод.388, №12, мод.821; с.2015, №11, мод.953; с.2016, №5, мод.360; с.2018, №1, мод.6; с.2019, №1, мод.6, №6, мод.314; с.2020, №7-9, мод.603; Қонуни Ҷумҳурии Тоҷикистон аз 23 декабри соли 2021, №1817), тағйиру иловаҳои зерин ворид карда шаванд:

1. Ба сархати ҳаштуми моддаи 124 пас аз калимаҳои "гирифта шудааст," калимаҳои "хароҷот оид ба гузаронидани амалҳои иҷро," илова карда шаванд.

2. Дар моддаи 210:

- ба номи модда пас аз калимаи "муайян" калимаҳои "ё худдорӣ намудан аз содир намудани амалҳои муайян" илова карда шаванд;

- қисми 3 бо мазмуни зерин илова карда шавад:

"3. Ҳангоми қабул намудани ҳалнома оид ба уҳдадор намудани ҷавобгар барои худдорӣ намудан аз содир намудани амали муайян суд бояд дар ҳалнома зикр намояд, ки ҷавобгар аз содир намудани кадом амали муайян худдорӣ намояд.".

3. Ба қисми 1 моддаи 367 сархати ҳафтум бо мазмуни зерин илова карда шавад:

"- зикри қаблан боздошт гардидани иҷрои санади судӣ;".

4. Ба моддаи 370 қисми 3 бо мазмуни зерин илова карда шавад:

"3. Боздошти иҷрои санади судӣ дар марҳилаҳои назоратии судӣ ба судяҳои суди Вилояти Мухтори Кӯҳистони Бадахшон, вилоятҳо, шаҳри Душанбе ва раисони ин судҳо, судяи Суди Олӣ, муовинони Раиси Суди Олӣ, Раиси Суди Олии Ҷумҳурии Тоҷикистон на бештар аз як маротиба иҷозат дода мешавад.".

5. Сархатҳои дуюм ва шашуми моддаи 422 хориҷ карда шаванд.

6. Дар моддаи 423:

- дар қисми 1:

- дар сархати дуюм калимаҳои ", чорум ва панҷуми" ба калимаҳои "ва чоруми" иваз ва калимаҳои "аз хизмати ҳарбӣ озод шудан ё оғози хизмати ҳарбӣ мутобиқи шартномаи (қарордоди) меҳнатӣ дар Қувваҳои Мусаллаҳи Ҷумҳурии Тоҷикистон, дигар қӯшунҳо ва воҳидҳои ҳарбии Ҷумҳурии Тоҷикистон," хориҷ карда шаванд;

- дар сархати сеюм калимаи "ҳафтуми" ба калимаи "панҷуми" ва аломати нуқтавергул ";" ба аломати нуқта иваз карда шаванд;

- сархати чорум хориҷ карда шавад;

- қисми 3 хориҷ карда шавад.

7. Дар сархати якуми қисми 1 моддаи 424 калимаҳои "мусодира гардидааст" ба калимаҳои "гирифта шудааст" иваз карда шаванд.

8. Дар қисми 1 моддаи 428 калимаҳои "Агар суд" ва "моддаи 425" мувофиқан ба калимаҳои "Агар иҷрочии мақомоти иҷро" ва "моддаҳои 427 ва 427(1)" иваз карда шаванд.

9. Ба сархати ҳафтуми моддаи 432 пас аз калимаҳои "барқии маишӣ" калимаҳои ", ба истиснои ду ва зиёда адад мавҷуд будани онҳо" илова карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.