Ҳукумати Ҷумҳурии Тоҷикистон

ҚАРОР

Дар бораи ворид намудани тағйирот ба қарори Ҳукумати Ҷумҳурии Тоҷикистон аз 1 августи соли 2015, №508

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба Низомномаи стипендияҳои Президенти Ҷумҳурии Тоҷикистон барои хонандагону донишҷӯёни муассисаҳои таҳсилоти умумӣ, ибтидоӣ ва миёнаи касбӣ, ки бо қарори Ҳукумати Ҷумҳурии Тоҷикистон аз 1 августи соли 2015, №508 "Дар бораи Низомномаи стипендияҳои Президенти Ҷумҳурии Тоҷикистон барои хонандагону донишҷӯёни муассисаҳои таҳсилоти умумӣ, ибтидоӣ ва миёнаи касбӣ" тасдиқ гардидааст, тағйироти зерин ворид карда шаванд:

- дар бандҳои 2, 3, 4, 5, 6, 7, 10, 11, 12, 13, 14 ва 15 калимаҳои "Стипендияҳои Президенти Ҷумҳурии Тоҷикистон", "стипендияҳои Президенти Ҷумҳурии Тоҷикистон", "стипендияи Президенти Ҷумҳурии Тоҷикистон", "стипендияи Президенти Ҷумҳурии Тоҷикистонро" ва "стипендияҳои Президентро" мувофиқан ба калимаҳои "Стипендияҳо", "стипендияҳо", "стипендия", "стипендияро" ва "стипендияҳоро" иваз карда шаванд;

- дар банди 5 рақам ва калимаҳои "350 (сесаду панҷоҳ)" ба рақам ва калимаҳои "2950 (ду ҳазору нуҳсаду панҷоҳ)" иваз карда шаванд.