ҚОНУНИ ҶУМҲУРИИ ТОҶИКИСТОН

ДАР БОРАИ ВОРИД НАМУДАНИ ТАҒЙИРОТ БА КОДЕКСИ ҶИНОЯТИИ ҶУМҲУРИИ ТОҶИКИСТОН

Моддаи 1. Ба Кодекси ҷиноятии Ҷумҳурии Тоҷикистон, ки бо Қонуни Ҷумҳурии Тоҷикистон аз 21 майи соли 1998 қабул шудааст (Ахбори Маҷлиси Олии Ҷумҳурии Тоҷикистон, с.1998, №9, мод.68, мод.69, №22, мод.306; с.1999, №12, мод.316; с.2001, №4, мод.149, мод.167; с.2002, №11, мод.675, мод.750; с.2003, №8, мод.456, мод.468; с.2004, №5, мод.346, №7, мод.452, мод.453; с.2005, №3, мод.126, №7, мод.399, №12, мод.640; с.2007, №7, мод.665; с.2008, №1, қ.1, мод.3, №6, мод.444, мод.447, №10, мод.803, №12, қ.1, мод.986, №12, қ.2, мод.992; с.2009, №3, мод.80, №7-8, мод.501; с.2010, №3, мод.155, №7, мод.550; с.2011, №3, мод.161, №7-8, мод.605; с.2012, №4, мод.258, №7, мод.694; с.2013, №6, мод.403, мод.404, №11, мод.785, №12, мод.881; с.2014, №3, мод.141, №7, қ.1, мод.385, мод.386; с.2015, №3, мод.198, мод.199, №11, мод.949, №12, қ.1, мод.1107; с.2016, №3, мод.127, №5, мод.355, мод.356, №7, мод.608, мод.609, №11, мод.874, мод.875; с.2017, №1-2, мод.2, мод.3, №7-9, мод.586; с.2018, №1, мод.4, мод.5, №5, мод.266, №7-8, мод.522; с.2019, №1, мод.1, мод.2, №6, мод.311), тағйироти зерин ворид карда шаванд:

1. Дар номи боби 1, қисми 2) моддаи 2, дар ном ва матни моддаи 3, дар номи моддаҳои 4, 5, 6, 7, 8, 9 ва 10, қисми 3) моддаи 60 калимаҳои "ПРИНЦИПҲОИ", "принципҳои", "Принципҳои" "Принципи" ва "принципи" мувофиқан ба калимаҳои "ПРИНСИПҲОИ", "принсипҳои", "Принсипҳои" "Принсипи" ва "принсипи" иваз карда шаванд.

2. Дар моддаи 143(1):

- дар диспозитсияи қисми 1) калимаҳои "ки содир намудааст" ба калимаҳои "ки ӯ ё шахси сеюм содир намудааст" иваз карда шаванд;

- санксияи қисми 1) дар таҳрири зерин ифода карда шавад:

"бо маҳрум сохтан аз озодӣ ба мӯҳлати аз панҷ то ҳашт сол бо маҳрум намудан аз ҳуқуқи ишғоли мансабҳои муайян ё машғул шудан бо фаъолияти муайян ба мӯҳлати то панҷ сол ҷазо дода мешавад.";

- дар санксияи қисми 2) калимаҳои "панҷ то ҳашт" ва "то панҷ" мувофиқан ба калимаҳои "ҳашт то дувоздаҳ" ва "аз панҷ то даҳ" иваз карда шаванд;

- дар санксияи қисми 3) калимаҳои "даҳ то понздаҳ" ва "то панҷ" мувофиқан ба калимаҳои "дувоздаҳ то понздаҳ" ва "аз даҳ то понздаҳ" иваз карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.