ҚОНУНИ ҶУМҲУРИИ ТОҶИКИСТОН

ДАР БОРАИ ВОРИД НАМУДАНИ ТАҒЙИРОТ БА КОДЕКСИ АНДОЗИ ҶУМҲУРИИ ТОҶИКИСТОН

Моддаи 1. Ба Кодекси андози Ҷумҳурии Тоҷикистон, ки бо Қонуни Ҷумҳурии Тоҷикистон аз 17 сентябри соли 2012 қабул шудааст (Ахбори Маҷлиси Олии Ҷумҳурии Тоҷикистон, с. 2012, № 9, мод. 838; с. 2013, № 12, мод. 889, мод. 890; с. 2015, №3, мод. 210, № 11, мод. 965, мод. 966; с. 2016, № 3, мод. 150, № 11, мод. 883; с. 2017, № 1-2, мод. 21, № 5, қ. 1, мод. 280; с. 2018, № 2, мод. 66, 67, № 7-8, мод. 529; Қонуни Ҷумҳурии Тоҷикистон аз 4 апрели соли 2019, № 1599), тағйироти зерин ворид карда шаванд:

1. Дар сархати ҳабдаҳуми қисми 4 моддаи 169 калимаҳои "соҳаи парандапарварӣ" ва "корхонаҳои парандапарварӣ ва корхонаҳои истеҳсолкунандаи" мувофиқан ба калимаҳои "соҳаҳои парандапарварӣ, моҳипарварӣ" ва "субъектҳои хоҷагидор дар соҳаҳои парандапарварӣ, моҳипарварӣ ва истеҳсоли" иваз карда шаванд.

2. Дар номи боби 47(1) калимаҳои "КОРХОНАҲОИ ПАРРАНДАПАРВАРӢ ВА КОРХОНАҲОИ ИСТЕҲСОЛКУНАНДАИ" ба калимаҳои "ФАЪОЛИЯТИ ПАРАНДАПАРВАРӢ, МОҲИПАРВАРӢ ВА ИСТЕҲСОЛИ" иваз карда шаванд.

3. Дар моддаи 313(1):

- дар номи модда калимаҳои "корхонаҳои паррандапарварӣ ва корхонаҳои истеҳсолкунандаи" ба калимаҳои "фаъолияти парандапарварӣ, моҳипарварӣ ва истеҳсоли" иваз карда шаванд;

- дар қисми 1 калимаҳои "Корхонаҳои парандапарварӣ ва корхонаҳои истеҳсолкунандаи" ба калимаҳои "Субъектҳои хоҷагидорӣ дар соҳаҳои парандапарварӣ, моҳипарварӣ ва истеҳсоли" иваз карда шуда, қавсайн ва калимаҳои "(минбаъдкорхонаҳо)" хориҷ карда шаванд;

- аз қисми 2 калимаҳои "аз ҷониби чунин корхонаҳои тибқи ҳамин боб андозбандишаванда" хориҷ карда шаванд;

- дар қисмҳои 3 ва 4 калимаи "корхонаҳои" ба калимаи "фаъолияти" иваз карда шавад.

Моддаи 2. Қонуни мазкур пас аз интишори расмӣ мавриди амал қарор дода шавад.