ҚОНУНИ ҶУМҲУРИИ ТОҶИКИСТОН

ДАР БОРАИ ВОРИД НАМУДАНИ ТАҒЙИРУ ИЛОВАҲО БА КОДЕКСИ ҲУҚУҚВАЙРОНКУНИИ МАЪМУРИИ ҶУМҲУРИИ ТОҶИКИСТОН

Моддаи 1. Ба Кодекси ҳуқуқвайронкунии маъмурии Ҷумҳурии Тоҷикистон, ки бо Қонуни Ҷумҳурии Тоҷикистон аз 31 декабри соли 2008 қабул гардидааст (Ахбори Маҷлиси Олии Ҷумҳурии Тоҷикистон, с.2008, №12, қ.1, мод.989, мод.990; с.2009, №5, мод.321, №9-10, мод.543; с.2010, №1, мод.2, мод.5, №3, мод.153, №7, мод.547, №12, қ.1, мод.812; с.2011, №6, мод.430, мод.431, №78, мод.610, №12, мод.838; с.2012, №4, мод.256, №7, мод.685, мод.693, №8, мод.814, №12, қ.1, мод.1004; с.2013, №3, мод.181, №7, мод.508; с.2014, №3, мод.143, мод.144, №7, қ.1, мод.389, мод.390; с.2015, №3, мод.201, №7-9, мод.707, мод.708, №11, мод.955, №12, қ.1, мод.1108; с.2016, №3, мод.130, мод.131, мод.132, №5, мод.359, мод.361, №7, мод.613, мод.614, №11, мод.877; с.2017, №1-2, мод.5, мод.6, №5, қ.1, мод.275, №7-9, мод.568, мод.585; с.2018, №1, мод.9, №5, мод. 268, мод. 269; с.2019, №1, мод.8), тағйиру иловаҳои зерин ворид карда шаванд:

1. Дар қисми 3 моддаи 30 калимаи "монополияҳои" ба калимаи "инҳисороти" иваз карда шавад.

2. Дар ном ва диспозитсияи моддаи 542 калимаи "монополии" ба калимаи "инҳисории" иваз карда шавад.

3. Дар диспозитсияи моддаи 543 калимаҳои "шартнома, қарордод" ба калимаҳои "шартномаҳо, созишномаҳо" иваз карда шаванд.

4. Дар ном ва диспозитсияи моддаи 544 калимаҳои "мансабдори мақомоти иҷроияи ҳокимияти давлатӣ" ба калимаҳои "мансабдори мақомоти давлатӣ" иваз карда шаванд.

5. Ба диспозитсияи моддаи 553 пас аз калимаи "накардани" калимаи "маълумот," илова карда шавад.

6. Номи моддаи 556 дар таҳрири зерин ифода карда шавад:

"Моддаи 556. Ба буҷети давлатӣ нагузаронидани даромади (фоидаи) бе риояи қонунгузорӣ бадастовардашуда".

7. Дар моддаи 558:

- дар номи модда калимаҳои "монополияҳои табиӣ" ба калимаҳои "инҳисороти табиӣ ва ба он пешниҳод накардани дархост" иваз карда шаванд;

- дар диспозитсияи қисми 1 калимаи "монополияҳои" ба калимаи "инҳисороти" иваз карда шавад;

- диспозитсияи қисми 2 дар таҳрири зерин ифода карда шавад:

"2. Барои аз тарафи субъектҳои инҳисороти табиӣ ба мақомоти ваколатдори танзимкунандаи фаъолияти инҳисороти табиӣ пешниҳод накардани дархост оид ба додани ризоият дар хусуси анҷом додани амалҳо ва огоҳ накардани он дар бораи соҳиб гардидан ба шумораи овозҳое, ки қонунгузорӣ дар бораи инҳисороти табиӣ муқаррар намудааст, -";

- қисми 3 бо мазмуни зерин илова карда шавад:

"3. Барои аз тарафи шахс ё гурӯҳи шахсон огоҳ накардани мақомоти ваколатдори танзимкунандаи фаъолияти инҳисороти табиӣ дар хусуси соҳиб гардидан ба шумораи бештари овозҳо ё тағйири овозҳои ба онҳо тааллуқдошта, ки қонунгузорӣ дар бораи инҳисороти табиӣ муқаррар намудааст,

ба шахсони мансабдор ба андозаи аз шаст то сад ва ба шахсони ҳуқуқӣ аз ду ҳазор то се ҳазор нишондиҳанда барои ҳисобҳо ҷарима таъйин карда мешавад.".

Моддаи 2. Қонуни мазкур пас аз интишори расмӣ мавриди амал қарор дода шавад.