Ҳукумати Ҷумҳурии Тоҷикистон

ҚАРОР

Дар бораи ворид намудани илова ба қарори Ҳукумати Ҷумҳурии Тоҷикистон аз 1 августи соли 2008 № 369

Мутобиқи моддаи 169 Кодекси андози Ҷумҳурии Тоҷикистон, моддаи 345 Кодекси гумруки Ҷумҳурии Тоҷикистон ва моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба банди 1 қарори Ҳукумати Ҷумҳурии Тоҷикистон аз 1 августи соли 2008, № 369 "Дар бораи объектҳои махсусан муҳим" зербанди 41 бо мазмуни зерин илова карда шавад:

"41) Сохтмони корхонаҳои истихроҷ ва коркарди маъдани конҳои флюорити "Қазноқ"-и ноҳияи Айнӣ ва волфрами "Майхура"-и ноҳияи Варзоб аз тарафи ҷамъияти дорои масъулияти маҳдуди "Талко Флюорит".".

2. Номгӯйҳои таҷҳизоти истеҳсолию технологӣ ва маҳсулоте, ки аз тарафи ҷамъияти дорои масъулияти маҳдуди "Талко Флюорит" барои сохтмони корхонаҳои истихроҷ ва коркарди маъдани конҳои флюорити "Қазноқ"-и ноҳияи Айнӣ ва волфрами "Майхура"-и ноҳияи Варзоб ба Ҷумҳурии Тоҷикистон ворид карда шуда, аз пардохти андоз аз арзиши иловашуда ва боҷи гумрукӣ озод карда мешаванд, тасдиқ карда шаванд (замимаҳои 1 ва 2).

3. Хадамоти гумруки назди Ҳукумати Ҷумҳурии Тоҷикистон барасмиятдарории гумрукӣ ва назорати молҳои барои объектҳои махсусан муҳим воридшавандаро таъмин намояд.

Замима