Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 28 декабри соли 2006, № 612

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Дар банди 3 қарори Ҳукумати Ҷумҳурии Тоҷикистон аз 28 декабри соли 2006, № 612 "Дар бораи Хадамоти гумруки назди Ҳукумати Ҷумҳурии Тоҷикистон" калимаи "аввал" ба калимаи "якум" иваз карда шавад.

2. Ба замимаи 1 "Низомномаи Хадамоти гумруки назди Ҳукумати Ҷумҳурии Тоҷикистон", ки бо қарори Хукумати Ҷумҳурии Тоҷикистон аз 28 декабри соли 2006, № 612 тасдиқ шудааст, тағйиру иловаҳои зерин ворид карда шаванд:

- аз банди 3 калимаи "(Сарқонуни)" хориҷ карда шавад;

- сархати бисту нуҳуми банди 6 дар таҳрири зерин ифода карда шавад:

" - дар доираи ваколатҳои худ назорати андоз, асъор, содиротӣ ва дигар намудҳои назоратро, ки ҳуқуқи анҷом доданашон ё ҳуқуқи иштирок дар анҷом додани онҳо мутобиқи қонунгузории Ҷумҳурии Тоҷикистон ба мақомоти гумрук вогузор гардидааст, таъмин менамояд;";

- ба банди 6 сархатҳои сиву се ва сиву чор бо мазмуни зерин илова карда шаванд:

"- тибқи тартиби муқарраргардида амалӣ намудани тарзу усулҳои гузаронидани таҳлили хавфҳои коррупсия дар мақомоти гумрук;

- бо дархости мақоми ваколатдор дар соҳаи муқовимат ба қонунигардонии (расмикунонии) даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом маълумотро аз низоми иттилоотии худ пешниҳод менамояд;";

- дар банди 10 калимаи "аввал" ба калимаи "якум" иваз карда шавад;

- аз банди 13 калимаи ", вимпел" хориҷ карда шавад.

3. Аз замимаи 3 "Нақшаи идоракунии Хадамоти гумруки назди Ҳукумати Ҷумҳурии Тоҷикистон", ки бо қарори Ҳукумати Ҷумҳурии Тоҷикистон, аз 28 декабри соли 2006, № 612 тасдиқ шудааст, калимаҳои "Муассисаи давлатии "Маркази идораи лоиҳаи минтақавии таҳвили гумрук ва рушди инфраструктура"" хориҷ карда шаванд.