ҚОНУНИ ҶУМҲУРИИ ТОҶИКИСТОН

ДАР БОРАИ ВОРИД НАМУДАНИ ТАҒЙИРОТУ ИЛОВА БА КОДЕКСИ ГУМРУКИ ҶУМҲУРИИ ТОҶИКИСТОН

Моддаи 1. Ба Кодекси гумруки Ҷумҳурии Тоҷикистон, ки бо Қонуни Ҷумҳурии Тоҷикистон аз 3 декабри соли 2004 қабул шудааст (Ахбори Маҷлиси Олии Ҷумҳурии Тоҷикистон, с. 2004, №12, қ. 2, мод. 703, мод. 704; с. 2006, №3, мод, 159; с. 2007, №7, мод. 681; с. 2008, №6, мод. 459, №10, мод. 818; с. 2011, №3, мод. 160, №6, мод. 458; с. 2012, №4, мод. 250, №7, мод. 695, мод. 724, №8, мод. 818, №12, қ. 1, мод. 1000; с. 2013, №12, мод. 879; с. 2015, №3, мод. 211; с. 2016, №3, мод. 151, №7, мод. 625, №11, мод. 882), тағйироту иловаи зерин ворид карда шаванд:

1. Дар матни Кодекс калимаҳои "қаламрави", "Қаламрави", "қаламрав", "ҚАЛАМРАВИ", "қаламраваш" ва "қаламраве" мувофиқан ба калимаҳои "ҳудуди", "Ҳудуди", "ҳудуд", "ҲУДУДИ", "ҳудудаш" ва "ҳудуде" иваз карда шаванд.

2. Дар қисми 2 моддаи 9, қисми 5 моддаи 368 ва қисми 4 моддаи 430 калимаи "ҳақ" ба калимаи "ҳуқуқ" иваз карда шавад.

3. Дар банди 2) қисми 1 моддаи 212 ва моддаи 312 калимаҳои "туризм" ва "туристӣ" ба калимаи "сайёҳӣ" иваз карда шаванд.

4. Дар банди 3) қисми 6 моддаи 441(1) калимаҳои "ба қувваи қонунӣ даромадани" ба калимаҳои "эътибори қонунӣ пайдо кардани" иваз карда шаванд.

5. Дар қисми 1 моддаи 483 калимаҳои "шаҳрванди қобили амали Ҷумҳурии Тоҷикистон шуда метавонад, ки" ба калимаҳои "шахсе шуда метавонад, ки танҳо шаҳрвандии Ҷумҳурии Тоҷикистонро дорад," иваз карда шаванд.

6. Дар қисми 1 моддаи 488:

- банди 15) бо мазмуни зерин илова карда шавад:

"15) бо сабаби қатъ гардидани шаҳрвандии Ҷумҳурии Тоҷикистон ё соҳиб шудан ба шаҳрвандии давлати дигар;";

- банди 15) банди 16) ҳисобида шавад.

Моддаи 2. Қонуни мазкур пас аз интишори расмӣ мавриди амал қарор дода шавад.