ҚОНУНИ ҶУМҲУРИИ ТОҶИКИСТОН

ДАР БОРАИ ВОРИД НАМУДАНИ ТАҒЙИРОТУ ИЛОВА БА КОДЕКСИ ҲУҚУҚВАЙРОНКУНИИ МАЪМУРИИ ҶУМҲУРИИ ТОҶИКИСТОН

Моддаи 1. Ба Кодекси ҳуқуқвайронкунии маъмурии Ҷумҳурии Тоҷикистон, ки бо Қонуни Ҷумҳурии Тоҷикистон аз 31 декабри соли 2008 қабул шудааст (Ахбори Маҷлиси Олии Ҷумҳурии Тоҷикистон, с. 2008, №12, қ. 1, мод. 989, мод. 990; с. 2009, №5, мод. 321, №9-10, мод. 543; с. 2010, №1, мод. 2, мод. 5, №3, мод. 153, №7, мод. 547, №12, қ. 1, мод. 812; с. 2011, №6, мод. 430, мод. 431, №7-8, мод. 610, №12, мод. 838; с. 2012, №4, мод. 256, №7, мод. 685, мод. 693, №8, мод. 814, №12, қ. 1, мод. 1004; с. 2013, №3, мод. 181, №7, мод. 508; с. 2014, №3, мод. 143, мод. 144, №7, қ. 1, мод. 389, мод. 390; с, 2015, №3, мод. 201, №7-9, мод. 707, мод. 708, №11, мод. 955, №12, қ. 1, мод. 1108; с. 2016, №3, мод. 130, мод. 131, мод. 132, №5, мод. 359, мод. 361, №7, мод. 613, мод. 614, №11, мод. 877; Қонуни Ҷумҳурии Тоҷикистон аз 24 феврали соли 2017, № 1382 ва Қонуни Ҷумҳурии Тоҷикистон аз 24 феврали соли 2017, № 1383), тағйироту иловаи зерин ворид карда шаванд:

1. Дар сархати нуҳуми қисми 1 моддаи 36, қисми 2 моддаи 37, ном ва матни моддаи 46, матни моддаи 68, ном ва матни моддаи 255, қисми 2 моддаи 476, қисмҳои 1 ва 2 моддаи 478, матни моддаи 497, қисми 2 моддаи 498, ном ва матни моддаи 499, матни моддаи 500, ном ва қисми 1 моддаи 538, ном ва матни моддаи 594, ном ва матни моддаи 597 калимаи "қаламрави" ба калимаи "ҳудуди" иваз карда шавад.

2. Дар ном ва қисми 1 моддаи 480(1) калимаҳои "марзию маъмурии" ба калимаҳои "маъмурию ҳудудии" иваз карда шаванд.

3. Моддаи 501(1) бо мазмуни зерин илова карда шавад:

"Моддаи 501(1). Пинҳон кардани иттилоот дар бораи доштани шаҳрвандии давлати дигар

Барои аз ҷониби шаҳрванд пинҳон кардани иттилоот дар бораи доштани шаҳрвандии давлати дигар ҳангоми интихоб ва ё таъин шудан ба мансабҳое, ки қонунгузории Ҷумҳурии Тоҷикистон маҳдудият оид ба доштани шаҳрвандии давлати дигарро пешбинӣ менамояд,

ба андозаи аз бист то сӣ нишондиҳанда барои ҳисобҳо ҷарима таъйин карда мешавад.".

Моддаи 2. Қонуни мазкур пас аз интишори расмӣ мавриди амал қарор дода шавад.