ҚОНУНИ ҶУМҲУРИИ ТОҶИКИСТОН

ДАР БОРАИ ВОРИД НАМУДАНИ ТАҒЙИРУ ИЛОВАҲО БА КОДЕКСИ МУРОФИАВИИ ҶИНОЯТИИ ҶУМҲУРИИ ТОҶИКИСТОН

Моддаи 1. Ба Кодекси мурофиавии ҷиноятии Ҷумҳурии Тоҷикистон, ки бо Қонуни Ҷумҳурии Тоҷикистон аз 3 декабри соли 2009 қабул шудааст (Ахбори Маҷлиси Олии Ҷумҳурии Тоҷикистон. с. 2009, №12, мод. 815, мод. 816; с. 2010, №7, мод. 551; с. 2011. №3, мод. 159, №7-8. мод. 609; с. 2012, №4, мод. 259, №7, мод. 714, №8, мод. 815, №12, қ. 1. мод. 1020, мод. 1025; с, 2013, №7, мод. 510, мод. 511; с. 2014, №3. мод. 142, №11, мод. 643; с. 2015, №11, мод. 950; с.2016, №3, мод. 128; №5, мод. 357, №7, мод. 610, мод. 611), тағйиру иловаҳои зерин ворид карда шаванд:

1. Аз қисми 1 моддаи 1, қисми 1 моддаи 9, сархати чоруми қисми 2 моддаи 417 ва сархати якуми қисми 4 моддаи 418 калимаи "(Сарқонуни)" хориҷ карда шавад.

2. Дар тамоми матни Кодекс калимаҳои "қаламрави" ва "қаламравии" ба калимаи "ҳудуди" иваз карда шаванд.

3. Ба қисми 2 моддаи 161 пас аз рақами "137," рақами "1371," илова карда шавад.

4. Дар қисми 1 моддаи 219, қисми 1 моддаи 378 ва қисми 2 моддаи 444 калимаи "ҳақ" ба калимаи "ҳуқуқ" иваз карда шавад.

5. Дар қисми 2 моддаи 470 ва қисми 4 моддаи 473 калимаҳои "Шӯрои адлияи" ба калимаҳои "Суди Олии" иваз карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.