ҚОНУНИ ҶУМҲУРИИ ТОҶИКИСТОН

ДАР БОРАИ ВОРИД НАМУДАНИ ТАҒЙИРУ ИЛОВА БА КОДЕКСИ ГУМРУКИ ҶУМҲУРИИ ТОҶИКИСТОН

Моддаи 1. Ба Кодекси гумруки Ҷумҳурии Тоҷикистон, ки бо Қонуни Ҷумҳурии Тоҷикистон аз 3 декабри соли 2004 қабул карда шудааст (Ахбори Маҷлиси Олии Ҷумҳурии Тоҷикистон, с.2004, №12, қ.2, мод.703, мод.704; с.2006, №3, мод.159; с.2007, №7, мод.681; с.2008, №6, мод.459, №10, мод.818; с.2011, №3, мод.160, №6, мод. 458; с.2012, №4, мод.250, №7, мод.695, мод.724, №8, мод.818, №12, қ.1, мод.1000; с.2013, №12, мод.879; с.2015, №3, мод.211; с.2016, №3, мод.151), тағйиру иловаи зерин ворид карда шаванд:

1. Дар бандҳои 1), 2) ва 3) қисми 1 моддаи 128, қисми 5 моддаи 138, қисми 3 моддаи 150, қисми 1 моддаи 187, қисми 1 моддаи 195, ном ва матни моддаи 196, банди 1) қисми 2 моддаи 207, қисми 2 моддаи 214, қисми 2 моддаи 236, қисми 3 моддаи 303, қисмҳои 1, 2 ва 4 моддаи 304, қисми 2 моддаи 309, қисми 2 моддаи 317, ном ва матни моддаи 334, қисми 2 моддаи 341, ном ва матни моддаи 342, қисми 1 моддаи 346, матни моддаи 351, ном ва матни моддаи 370, матни моддаи 372, қисми 2 моддаи 383 калимаҳои "ставкаи", "Ставкаҳои", "ставкаҳои" ва "ставкаҳое" мувофиқан ба калимаҳои "меъёри", "Меъёрҳои", "меъёрҳои" ва "меъёрҳое" иваз карда шаванд.

2. Ба қисми 4 моддаи 266 пас аз калимаҳои "муомилоти озод," калимаи "содирот," илова карда шавад.

Моддаи 2. Қонуни мазкур пас аз интишори расмӣ мавриди амал қарор дода шавад.