Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 2 ноябри соли 2013, № 499

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба қарори Ҳукумати Ҷумҳурии Тоҷикистон аз 2 ноябри соли 2013, № 499 "Дар бораи пардохтҳои ғайриандозӣ ба даромади буҷети давлатӣ аз ҳисоби фоидаи софи корхонаҳои давлатӣ ва ҷамъиятҳои саҳомие, ки бастаи саҳмияҳои онҳо пурра ба давлат тааллуқ дорад" тағйиру иловаҳои зерин ворид карда шаванд:

- дар ном, банди 4 ва дар номи замимаи 2 қарори мазкур калимаҳои "бастаи саҳмияҳои онҳо пурра" ва дар банди 3 қарори мазкур калимаҳои "саҳмияҳои онҳо пурра" ба калимаҳо ва рақами "зиёда аз 50 фоизи саҳмияҳои онҳо" иваз карда шаванд;

- дар сархатҳои якум ва дуюми банди 1 пас аз калимаҳои "фоидаи софи" калимаҳои "тибқи баҳисобгирии андози муайяннамудаи" илова карда шаванд;

- банди 3 бо мазмуни зайл илова карда шавад:

"3. Мақомоти марказии ҳокимияти давлатӣ ва мақомоти иҷроияи маҳаллии ҳокимияти давлатӣ дар мавриди иштирок дар маҷлисҳои умумии саҳмдорони ҷамъиятҳои саҳомие, ки ҳиссаи давлат дар сармояи оинномавии онҳо зиёда аз 50 фоизро ташкил медиҳад, оид ба муайян намудани андозаи суди саҳмияҳо дар ҳаҷми 10 фоиз ба даромади буҷети давлатӣ, аз фоидаи софи ҷамъиятҳои саҳомии мазкур, ки тибқи баҳисобгирии андозӣ ҳисоб карда мешавад, пешниҳод менамоянд ва барои қабули ин пешниҳод овоз медиҳанд.";

- дар бандҳои 5 ва 6 рақам ва калимаи "100 фоизро" ба калимаҳо ва рақами "зиёда аз 50 фоизро" иваз карда шаванд;

- бандҳои 3, 4, 5 ва 6 мутаносибан бандҳои 4, 5, 6 ва 7 ҳисобида шаванд.