Бо қарори Ҳукумати

Ҷумҳурии Тоҷикистон

аз "29" апрели соли 2016, № 178

тасдиқ шудааст

Низомномаи қисми тоҷикистонии Комиссияи байнидавлатӣ оид ба ҳамкории ҳарбию иқтисодии давлатҳои аъзои Созмони Аҳдномаи амнияти дастаҷамъӣ

1. Қоидаҳои умумӣ

1. Қисми тоҷикистонии Комиссияи байнидавлатӣ оид ба ҳамкории ҳарбию иқтисодии давлатҳои аъзои Созмони Аҳдномаи амнияти дастаҷамъӣ (минбаъд - Комиссия) мақоми доимамалкунандае мебошад, ки дар Комиссия тарафи Тоҷикистонро намояндагӣ менамояд ва кори худро тибқи шартномаҳои байналмилалӣ ва санадҳои меъёрии ҳуқуқии Ҷумҳурии Тоҷикистон ва Низомномаи мазкур амалӣ менамояд.

2. Қисми тоҷикистонии Комиссия фаъолияти зеринро анҷом медиҳад:

- ҳамоҳангсозии таҳияи маҷмӯӣ ва бо вазорату идораҳои манфиатдори Ҷумҳурии Тоҷикистон ва қисмҳои миллии Комиссия мувофиқа намудани таклифҳо оид ба масъалаҳои ҳамкории ҳарбию иқтисодии бисёртарафа ва дутарафа дар соҳаи сохтан, истеҳсол ва истифодаи аслиҳаву техникаи ҳарбӣ барои ба баррасии Комиссия пешниҳод намудани онҳо;

- ҳамоҳангсозии фаъолияти вазорату, идораҳо ва ташкилотҳои Ҷумҳурии Тоҷикистонро оид ба иҷрои қарорҳо ва тавсияномаҳои Комиссия дар масъалаҳои ҳамкории ҳарбию иқтисодӣ.

2. Вазифаҳои қисми тоҷикистонии Комиссия

3. Қисми тоҷикистонии Комиссия:

а) таклифҳои вазорату идораҳои Ҷумҳурии Тоҷикистон ва қисмҳои миллии Комиссияро баррасӣ намуда, барои гузориш ба Ҳукумати Ҷумҳурии Тоҷикистон таҳияи маводи тавсифкунандаи ҳамкории ҳарбию иқтисодии бисёртарафа ва дутарафаи Ҷумҳурии Тоҷикистон бо давлатҳои аъзои Созмони Аҳдномаи амнияти дастаҷамъӣ оид ба масъалаҳои зерин ташкил мекунад:

- ҳамоҳангсозии корҳо оид ба наздик намудани заминаи меъёрию ҳуқуқии давлатҳои аъзои Созмони Аҳдномаи амнияти дастаҷамъӣ дар соҳаи танзими масъалаҳои ҳамкории ҳарбию иқтисодӣ;