Ҳукумати Ҷумҳурии Тоҷикистон

ҚАРОР

Дар бораи Номгӯйи таҷҳизот, ашёи хом ва маводи зарурии аз ҷониби Ҷамъияти дорои масъулияти маҳдуди "Талко Ресурс" ва Филиали Ширкати "Ҷенерал Найс Кок энд Кемикалз (Гонгконг) Компани Лимитед" дар Ҷумҳурии Тоҷикистон барои коркарди зеризаминии майдонҳои Марказии минтақаи "Ҷиҷикрут" ва Ғарбии минтақаи "Конте"-и кони ангишти "Фон-Яғноб" ба Ҷумҳурии Тоҷикистон воридшаванда, ки аз пардохти андоз аз арзиши иловашуда ва боҷи гумрукӣ озод карда мешаванд

Мутобиқи моддаи 169 Кодекси андози Ҷумҳурии Тоҷикистон, моддаи 345 Кодекси гумруки Ҷумҳурии Тоҷикистон ва моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Зербанди 32 банди 1 қарори Ҳукумати Ҷумҳурии Тоҷикистон аз 1 августи соли 2008, № 369 дар таҳрири зайл ифода карда шавад:

"32. Майдонҳои Марказии минтақаи "Ҷиҷикрут" ва Ғарбии минтақаи "Конте"-и кони ангишти "Фон-Ягноб"-и ноҳияи Айнии вилояти Суғди Ҷумҳурии Тоҷикистон".

2. Номгӯйи таҷҳизот, ашёи хом ва маводи зарурии аз ҷониби Ҷамъияти дорои масъулияти маҳдуди "Талко Ресурс" ва Филиали Ширкати "Ҷенерал Найс Кок энд Кемикалз (Гонгконг) Компани Лимитед" дар Ҷумҳурии Тоҷикистон барои коркарди зеризаминии майдонҳои Марказии минтақаи "Ҷиҷикрут" ва Ғарбии минтақаи "Конте"-и кони ангишти "Фон-Яғноб" ба Ҷумҳурии Тоҷикистон воридшаванда, ки аз пардохти андоз аз арзиши иловашуда ва боҷи гумрукӣ озод карда мешаванд, тасдиқ карда шавад (замима мегардад).

3. Хадамоти гумруки назди Ҳукумати Ҷумҳурии Тоҷикистон назорат ва баргузории саривақтии расмиёти гумрукии молҳои мутобиқи замима воридшавандаро таъмин намояд.

Замима