Замимаи 2

Бо қарори Ҳукумати

Ҷумҳурии Тоҷикистон

аз 31 декабри соли 2014, № 813

тасдиқ шудааст

Тартиби гузаронидани тирпарронии санҷишӣ аз силоҳи оташфишони милаш рахпеч, ки дар ихтиёри ташкилотҳои давлатии ҳарбикунонидашуда барои ташаккули махзани давлатии тиру гилза мебошад

1. Муқаррароти умумӣ

1. Тартиби гузаронидани тирпарронии санҷишӣ аз силоҳи оташфишони милаш рахпеч, ки дар ихтиёри ташкилотҳои давлатии ҳарбикунонидашуда барои ташаккули махзани давлатии тиру гилза мебошад (минбаъд-Тартиб), аз ҷумла талаботи техникӣ барои тирпарронии санҷишӣ аз силоҳи оташфишони милаш рахпеч, бақайдгирӣ, нигоҳдорӣ, супоридани тир ва гилзаҳои санҷишӣ ба махзани давлатии тиру гилзаҳо, инчунин азҳисоббарорӣ ва нобуд сохтани тир ва гилзаҳои санҷишии истифодашударо дар ташкилотҳои давлатии ҳарбикунонидашуда ба танзим медарорад.

2. Талаботи техникӣ барои тирпарронии санҷишӣ аз силоҳи оташфишони милаш рахпеч, ки дар ихтиёри ташкилотҳои давлатии ҳарбикунонидашуда мебошад

2. Тирпарронии санҷишӣ аз силоҳи оташфишони милаш рахпече, ки гардиши он дар ташкилотҳои давлатии ҳарбикунонидашуда амалӣ мегардад, дар машқгоҳҳо ё дар ҷойҳои махсуси бо воситаҳои тиргирӣ муҷаҳҳаз гардонидашуда, ки гирифтани изҳои сифатноки тиру гилзаҳоро таъмин менамояд, ба таври комиссионӣ гузаронида мешавад.

3. Пеш аз тирпарронии санҷишӣ силоҳ ва қисмҳои асосии он пурра аз равғанҳои молидании саноатӣ ва моддаҳои ғайр тоза карда мешаванд.

4. Аз силоҳи оташфишони милаш рахпеч, ки калибри он на беш аз 12,7 мм мебошад, тирпарронии санҷишӣ гузаронида мешавад:

- силоҳе, ки дар ихтиёри ташкилотҳои давлатии ҳарбикунонидашуда мебошад;

- силоҳе, ки бо мақсади коллексиякунӣ ва банамоишгузорӣ ҷамъоварӣ карда шудааст;