Бо қарори Ҳукумати ҶТ аз 31.07.2018 № 356 аз эътибор соқит дониста шуд.

Бо қарори Ҳукумати

Ҷумҳурии Тоҷикистон

аз "14" октябри соли 2014, № 641

тасдиқ шудааст

ТАРТИБИ КОРБУРДИ ФЕҲРИСТИ ДАВЛАТИИ ОБЪЕКТҲОИ МЕРОСИ ТАЪРИХИЮ ФАРҲАНГИИ ҶУМҲУРИИ ТОҶИКИСТОН

1. Дар Ҷумҳурии Тоҷикистон Феҳристи давлатии объектҳои мероси таърихию фарҳангӣ (минбаъд-Феҳрист), ки дорои маълумот дар бораи мероси мазкур мебошад, ҷорӣ карда мешавад.

2. Феҳрист системаи давлатии иттилоотиест, ки дар худ махзани маълумотро ҷой додан ин иттилоот умумият ва қиёспазирии аз ҳисоби принсипҳои умумии ташаккули феҳрист, усулҳо ва шаклҳои истифодаи он таъмин карда мешавад.

3. Маълумоти дар Феҳрист овардашуда манбаи асосии иттилоот дар бораи объектҳои мероси таърихию фарҳангӣ ва ҳудуди онҳо, инчунин оид ба минтақаҳои ҳифзи объектҳои мероси фарҳанги ҳангоми ташкил ва пешбурди системаи иттилоотии таъмини фаъолияти шаҳрсозӣ, дигар системаҳои иттилоотӣ ё бонкҳои маълумотӣ, ки ин маълумотро истифода мебаранд (ба инобат мегиранд), ба шумор меравад.

4. Тибқи Қонуни Ҷумҳурии Тоҷикистон "Дар бораи ҳифз ва истифодаи объектҳои мероси таърихию фарҳангӣ" Феҳрист тавассути ба он ворид намудани объектҳои мероси таърихию фарҳангӣ, ҳамчунин ба воситаи аз Феҳрист хориҷ кардани объектҳои мероси таърихию фарҳангӣ, аз рӯйи тартиби муқаррарнамудаи Қонуни дар боло зикршуда ташкил карда мешавад.

5. Барои қабули карор дар бораи ба Феҳрист ворид намудани объекти мероси таърихию фарҳангӣ мақоми ваколатдор оид ба ҳифз ва истифодаи объектҳои мероси таърихию фарҳангӣ (минбаъд - мақоми ваколатдор) ҳуҷҷатҳои зеринро ба Ҳукумати Ҷумҳурии Тоҷикистон пешниҳод менамояд:

а) ариза дар бораи ворид намудани объекти ошкоршудаи мероси таърихию фарҳангӣ ба Феҳрист;

б) хулосаи экспертизаи давлатии таърихию фарҳангӣ;