Ҳукумати Ҷумҳурии Тоҷикистон

ҚАРОР

Дар бораи ворид намудани тағйирот ба қарори Ҳукумати Ҷумҳурии Тоҷикистон аз 3 майи соли 2010, № 232

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба Тартиби таъин ва пардохти кӯмакпулии давлатӣ ба кӯдакони то синни 16 сола, ки мубталои вируси норасоии масунияти одам ва бемории пайдошудаи норасоии масуният мебошанд, ки бо қарори Ҳукумати Ҷумҳурии Тоҷикистон аз 3 майи соли 2010, №232 тасдиқ гардидааст, тағйироти зерин ворид карда шавад:

- дар банди 3) калимаҳои "раёсату шӯъбаҳои ҳифзи иҷтимоии аҳолии мақомоти иҷроияи маҳаллии ҳокимияти давлатӣ (минбаъд мақомоти маҳаллии ҳифзи иҷтимоии аҳолӣ)" ба калимаҳои "шӯъбаву бахшҳои меҳнат ва ҳифзи иҷтимоии аҳолии мақомоти иҷроияи маҳаллии ҳокимияти давлатии вилоятҳо ва шаҳру ноҳияҳо (минбаъд - мақомоти маҳаллии меҳнат ва ҳифзи иҷтимоии аҳолӣ)" иваз карда шаванд;

- дар бандҳои 4), 5), 6), 9), 12) ва 13) калимаҳои "мақомоти маҳаллии ҳифзи иҷтимоии аҳолӣ" ба калимаҳои "мақомоти маҳаллии меҳнат ва ҳифзи иҷтимоии аҳолӣ" иваз карда шаванд.