Ҳукумати Ҷумҳурии Тоҷикистон

ҚАРОР

Дар бораи ворид намудани илова ба қарори Ҳукумати Ҷумҳурии Тоҷикистон аз 1 августи соли 2008, № 369

Мутобиқи моддаи 211 Кодекси андози Ҷумҳурии Тоҷикистон, моддаи 345 Кодекси гумруки Ҷумҳурии Тоҷикистон ва моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба банди 1 қарори Ҳукумати Ҷумҳурии Тоҷикистон аз 1 августи соли 2008, № 369 "Дар бораи объектҳои махсусан муҳим" зербанди 26 бо мазмуни зайл илова карда шавад:

"26) Маркази барқу гармидиҳӣ-2".

2. Фармоишгари сохтмони "Маркази барқу гармидиҳӣ-2" Ҷамъияти саҳомии кушодаи "ТВЕА" ва Пудратчии генералӣ Ҷамъияти дорои масъулияти маҳдуди "ТВЕА Душанбе саноати кӯҳӣ" тасдиқ карда шаванд.