ҚОНУНИ ҶУМҲУРИИ ТОҶИКИСТОН

ОИД БА ВОРИД НАМУДАНИ ТАҒЙИРОТ БА КОДЕКСИ ГРАЖДАНИИ ҶУМҲУРИИ ТОҶИКИСТОН (ҚИСМИ ЯКУМ)

Моддаи 1. Ба Кодекси граждании Ҷумҳурии Тоҷикистон (қисми якум), ки бо Қонуни Ҷумҳурии Тоҷикистон аз 30 июни соли 1999 қабул карда шудааст (Ахбори Маҷлиси Олии Ҷумҳурии Тоҷикистон, с. 1999, №6, мод. 153; с. 2001, №7, мод. 508; с. 2002, №4, қ. 1, мод. 170; с. 2005, №3, мод. 125; с. 2006, №4, мод. 193; с. 2007, №5, мод. 356; с. 2010, №3, мод. 156; №12, қ. 1, мод. 802), тағйироти зерин ворид карда шаванд:

1. Дар зербанди б) қисми 1 моддаи 186 калимаҳои "музди меҳнати ҳадди ақал на камтар аз даҳ маротиба" ба калимаҳои "нишондиҳанда барои ҳисобҳо на камтар аз бист маротиба" иваз карда шаванд.

2. Дар қисми 2 моддаи 250 калимаҳои "на камтар аз панҷ ҳадди ақал" ба калимаҳои "на камтар аз даҳ нишондиҳанда барои ҳисобҳо" иваз карда шаванд.

3. Дар моддаи 341 калимаҳои "маоши ҳадди ақалли" ба калимаҳои "нишондиҳанда барои ҳисобҳои" иваз карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи қабул кардани Қонуни Ҷумҳурии Тоҷикистон "Оид ба ворид намудани тағйирот ба Кодекси граждании Ҷумҳурии Тоҷикистон (қисми якум)"

Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон "Оид ба ворид намудани тағйирот ба Кодекси граждании Ҷумҳурии Тоҷикистон (қисми якум)" қабул карда шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи Қонуни Ҷумҳурии Тоҷикистон "Оид ба ворид намудани тағйирот ба Кодекси граждании Ҷумҳурии Тоҷикистон (қисми якум)"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон "Оид ба ворид намудани тағйирот ба Кодекси граждании Ҷумҳурии Тоҷикистон (қисми якум)"-ро баррасӣ намуда, қарор мекунад:

Қонуни Ҷумҳурии Тоҷикистон "Оид ба ворид намудани тағйирот ба Кодекси граждании Ҷумҳурии Тоҷикистон (қисми якум)" ҷонибдорӣ карда шавад.