ҚОНУНИ ҶУМҲУРИИ ТОҶИКИСТОН

ДАР БОРАИ ВОРИД НАМУДАНИ ТАҒЙИРУ ИЛОВАҲО БА КОДЕКСИ ҲУҚУҚВАЙРОНКУНИИ МАЪМУРИИ ҶУМҲУРИИ ТОҶИКИСТОН

Моддаи 1. Ба Кодекси ҳуқуқвайронкунии маъмурии Ҷумҳурии Тоҷикистон, ки бо Қонуни Ҷумҳурии Тоҷикистон аз 31 декабри соли 2008 қабул гардидааст (Ахбори Маҷлиси Олии Ҷумҳурии Тоҷикистон, с. 2008, №12, қ.1, мод. 989; мод. 990; с. 2009, №5, мод. 321; №9-10, мод. 543; с. 2010, №1, мод. 2; мод. 5, №3, мод. 153; №7, мод. 547; №12, қ.1, мод. 812; с. 2011, №6, мод. 430; мод. 431; №7-8, мод. 610; №12, мод. 838; Қонуни Ҷумҳурии Тоҷикистон аз 16 апрели соли 2012, №806), тағйиру иловаҳои зерин ворид карда шаванд:

1. Дар қисми 3 моддаи 39 ва санксияи қисми 1 моддаи 340 калимаи "нисфи" ба калимаи "ҳаштяки" иваз карда шавад.

2. Дар моддаи 474:

- дар ном ва матни модда калимаи "ташкилотҳои" ба калимаи "иттиҳодияҳои" иваз карда шавад;

- дар сархати чоруми қисми 1 аломатҳои вергул ва дефис ", -" ба аломати нуқта вергул ";" иваз карда шаванд;

- ба қисми 1 сархати панҷӯм бо мазмуни зайл илова карда шавад:

"- содир намудани кирдорҳое, ки аз доираи мақсад ва вазифаҳои дар оинномаи (низомномаи) иттиҳодияҳои динӣ муайяншуда барнамеоянд,-".

3. Ба Кодекс моддаҳои 474(2), 474(3) ва 474(4) бо мазмуни зайл илова карда шаванд:

"Моддаи 474(2). Риоя накардани тартиби гирифтани таълими динии шаҳрвандони Ҷумҳурии Тоҷикистон дар хориҷи кишвар

Барои риоя накардани тартиби гирифтани таълими динии шаҳрвандони Ҷумҳурии Тоҷикистон дар хориҷи кишвар,

ба андозаи аз панҷоҳ то сад нишондиҳанда барои ҳисобҳо ҷарима таъин карда мешавад.

Моддаи 474(3). Фаъолияти таблиғотӣ ва маърифатии иттиҳодияҳои динӣ

Барои ба роҳ мондани фаъолияти таблиғотӣ ва маърифатии иттиҳодияҳои динӣ дар муассисаҳои томактабӣ, таҳсилоти миёнаи умумӣ, ибтидоии касбӣ, миёнаи касбӣ ва олии касбӣ, инчунин дар манзили истиқоматии шаҳрвандон,

ба андозаи аз сӣ то чил нишондиҳанда барои ҳисобҳо ҷарима таъин карда мешавад.

Моддаи 474(4). Робитаҳои байналмилалии иттиҳодияҳои динӣ

1. Барои аз тарафи ҷамоаҳои динӣ муқаррар намудани робитаҳои байналмилалӣ, аз ҷумла робитаҳои байналмилалии динӣ бо ташкилотхои хориҷӣ,

ба роҳбарони ҷамоаҳои динӣ ба андозаи аз сӣ то чил нишондиҳанда барои ҳисобҳо ҷарима таъин карда мешавад.

2. Барои аз тарафи ташкилотҳои динӣ бидуни мувофиқаи мақоми ваколатдори давлатӣ оид ба дин муқаррар намудани робитаҳои байналмилалӣ, аз ҷумла робитаҳои байналмилалии динӣ бо ташкилотҳои хориҷӣ,

ба роҳбарони ташкилотҳои динӣ ба андозаи аз панҷоҳ то сад нишондиҳанда барои ҳисобҳо ҷарима таъин карда мешавад.".

4. Дар моддаи 477:

- ба ном ва матни модда пас аз калимаи "фаъолияти" калимаҳои "иттиҳодияҳо ва" илова карда шаванд;

- дар қисми 1 калимаҳои ", инчунин фаъолияташон" ба калимаҳои "ё фаъолияташон" иваз карда шаванд;

- дар қисмҳои 2 ва 3 калимаҳои ", инчунин фаъолияташон боздошта ё" ба калимаҳои "ё фаъолияташон боздошта ва ё" иваз карда шаванд.

5. Дар ном ва қисми 2 моддаи 478 калимаҳои "ташкилотҳои динӣ" ба калимаҳои "озодии виҷдон ва иттиҳодияҳои динӣ" иваз карда шаванд.

6. Ба ном ва матни моддаи 625, ном ва қисми 1 моддаи 628 пас аз калимаи "талаботи" калимаҳои "регламентҳои техникӣ," илова карда шаванд.

7. Дар моддаи 696 рақамҳои "474-481" ба рақамҳо ва калимаи "474 қисми 2, 474(1), 475 - 481" иваз карда шаванд.

8. Қисми 2 моддаи 720 дар таҳрири зерин ифода карда шавад:

"2. Барои баррасии парвандаҳои ҳуқуқвайронкунии маъмурӣ ва таъини ҷазои маъмурӣ аз номи мақомоти стандартизатсия, метрология, сертификатсия ва нозироти савдо директори Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон - сарнозири давлатии Ҷумҳурии Тоҷикистон оид ба назорати стандартҳо, воситаҳои ченак ва қоидаҳои савдо, муовинони ӯ, директорони марказҳои вилоятӣ, сардорони раёсатҳо дар ВМКБ ва минтақаи Кӯлоб, директорони марказҳои минтақавии Агентии Тоҷикстандарт - сарнозирони вилоятию минтақавӣ оид ба назорати стандартҳо, воситаҳои ченак ва қоидаҳои савдо ҳуқуқ доранд.".

9. Ба Кодекс моддаи 728(1) бо мазмуни зайл илова карда шавад:

"Моддаи 728(1). Мақомоти ваколатдори давлатӣ оид ба дин

1. Мақомоти ваколатдори давлатӣ оид ба дин дар доираи салоҳияти худ парвандаҳои ҳуқуқвайронкунии маъмуриеро, ки дар моддаҳои 474 қисми 1, 474(2), 474(3) ва 474(4) Кодекси мазкур пешбинӣ гардидаанд, баррасӣ менамоянд.

2. Барои баррасии парвандаҳои ҳуқуқвайронкунии маъмурӣ ва таъини ҷазои маъмурӣ аз номи мақомоти ваколатдори давлатӣ оид ба дин инҳо ҳуқуқ доранд:

- раиси Кумитаи оид ба корҳои дини назди Ҳукумати Ҷумҳурии Тоҷикистон, муовини якум ва муовинони ӯ оид ба ҳуқуқвайронкунии маъмурие, ки дар моддаҳои 474 қисми 1, 474(2), 474(3), 474(4) Кодекси мазкур пешбинӣ гардидаанд;

- сардорони шӯъбаҳо оид ба корҳои дин дар ВМКБ, вилоятҳо, шаҳри Душанбе ва мудирони бахшҳо оид ба корҳои дин дар шаҳру ноҳияҳо оид ба ҳуқуқвайронкунии маъмурие, ки дар моддаҳои 474 қисми 1, 474(2), 474(3)3 Кодекси мазкур пешбинӣ гардидаанд.".

Моддаи 2. Қонуни мазкур пас аз интишори расмӣ мавриди амал қарор дода шавад.

Қарори Маҷлиси намояндагони Маҷлиси Олии Ҷумҳурии Тоҷикистон

Оид ба қабул кардани Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистон"

Мутобиқи моддаи 36 Қонуни конститутсионии Ҷумҳурии Тоҷикистон "Дар бораи Маҷлиси Олии Ҷумҳурии Тоҷикистон" Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистон" қабул карда шавад.

Қарори Маҷлиси миллии Маҷлиси Олии Ҷумҳурии Тоҷикистон

Оид ба Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистон"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистон"ро баррасӣ намуда, қарор мекунад:

Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистон" ҷонибдорӣ карда шавад.